رمضان میں نہیں ہوگی دہلی میں پانی کی کمی، وزیر عمران حسین نے دہلی جل بورڈ کے افسران کے ساتھ کی میٹنگ

نئی دہلی: دہلی حکومت کے فوڈ اینڈ سپلائیز کے وزیر عمران حسین نے رمضان کے مقدس مہینے میں پانی کی فراہمی کے پیش نظر دہلی جل بورڈ کے افسران کے ساتھ میٹنگ کی۔ وزیر نے افسران کو صاف پانی کی بلا تعطل فراہمی کو یقینی بنانے کی ہدایت دی۔اجلاس کے دوران عمران حسین نے رمضان کے مہینے میں صبح اور شام کے اوقات میں پانی کی فراہمی کو یقینی بنانے کی ضرورت کی نشاندہی کی۔ عمران حسین نے کہا کہ دہلی جل بورڈ کے عہدیداروں کو علاقے میں کم از کم 12 اضافی موٹر بوسٹر پمپ رکھنے کی ضرورت ہے تاکہ پریشر کے ساتھ پانی کی یکساں تقسیم ہو سکے۔مقامی باشندوں کو پانی کی بلاتعطل فراہمی کو یقینی بنایا جا سکتا ہے۔

وزیر عمران حسین نے کہا کہ اسمبلی حلقہ کی گنجان آبادی کے پیش نظر پہاڑی دھیرج کے علاقے میں زیر زمین آبی ذخائر (یو جی آر) کی گنجائش بڑھانے کی ضرورت ہے۔ انہوں نے متعلقہ افسران سے کہا کہ وہ یو جی آر کی اپ گریڈیشن کے کام کو تیز کریں۔ وزیر نے کہا کہ اپ گریڈیشن کے بعد پانی کے دباؤ میں اضافہ کے ساتھپانی کی منصفانہ تقسیم سے شہریوں کو فائدہ ہوگا۔

سعودی ولی عہدشہزادہ محمدبن سلمان نےرمضان میں کچھ پابندیوں اورقواعد کا کیا اعلان، چھڑی بحث

رمضان میں اسرائیل کی کھجور نہ کھائیں مسلمان، شروع ہوئی بائیکاٹ مہم، جانئے کیا ہے مقصد؟

انہوں نے کہا کہ مذہبی مقامات کے ساتھ ساتھ آبادی والے علاقوں میں پانی کے ٹینکرز کا انتظام بھی یقینی بنایا جائے تاکہ رمضان المبارک میں گرمی کے موسم میں روزداروں کو پانی کی پریشانی کا سامنا نہ کرنا پڑے۔ عمران حسین نے دہلی جل بورڈ کے ذریعہ کئے جارہے واٹر بورنگ کے کام کا بھی جائزہ لیا اور عہدیداروں کو ہدایت دی کہ وہ علاقے کی پانی کی ضروریات کو مدنظر رکھتے ہوئے کام کو تیزی سے مکمل کریں۔

دہلی فسادات معاملےمیں آیافیصلہ، 9 افراد قصوروارٹھہرائےگئے، CCTVسے ہوئی تھی ملزموں کی پہچان

اس کے علاوہ دہلی جل بورڈ کے عہدیداروں کو خراب پائپ لائنوں کی جگہ پانی کی نئی پائپ لائنیں بچھانے کی ہدایت دی گئی ہے۔ دہلی جل بورڈ کو زمینی سطح کی باقاعدگی سے نگرانی کرنے کو کہا گیا ہے۔عمران حسین نے کہا کہ کیجریوال حکومت تہواروں کے دوران پینے کے صاف پانی، بجلی کی مناسب فراہمی، صفائی ستھرائی اور اسٹریٹ لائٹس سمیت دیگر بنیادی سہولیات فراہم کرنے کے لیے پرعزم ہے۔