ہوم » نیوز » مشرقی ہندوستان

یوم تاسیس کے موقع پر ٹی ایم سی کو بڑا جھٹکا، شوبھندو ادھیکاری کے بھائی سومندو بی جے پی میں شامل

West Bengal Election: ادھیکاری فیملی کے دو اور رکن پارلیمنٹ دبیندو اور ششر ٹی ایم سی خیمے میں بنے ہوئے ہیں۔ شوبھندو ادھیکاری نے 16 دسمبر کو ٹی ایم سی سے ناطہ توڑ لیا تھا۔

  • Share this:
یوم تاسیس کے موقع پر ٹی ایم سی کو بڑا جھٹکا، شوبھندو ادھیکاری کے بھائی سومندو بی جے پی میں شامل
یوم تاسیس کے موقع پر ٹی ایم سی کو بڑا جھٹکا، شوبھندو ادھیکاری کے بھائی سومندو بی جے پی میں شامل

کولکاتا: ترنمول کانگریس (Trinamool Congress) سے بی جے پی (BJP) میں آئے شوبھندو ادھیکاری (Suvendu Adhikari) کے بعد ان کے بھائی سومندھو ادھیکاری (Soumendu Adhikari) بھی بی جے پی میں شامل ہوگئے ہیں۔ انہوں نے جمعہ کو بی جے پی کی رکنیت حاصل کی۔ سومندو کانتھی نگرپالیکا کے چیئرمین رہ چکے ہیں۔ انہیں حال ہی میں اپنے عہدے سے ہٹا دیا گیا تھا۔ سومندو نے پہلے ہی بی جے پی میں شامل ہونے کے اشارے دے دیئے تھے۔ اس تقریب کے دوران ٹی ایم سی کے خلاف ناراضگی ظاہر کر رہے شوبھندو ادھیکاری نے حکومت پر جم کر تنقید کی۔


کانٹھی نگرپالیکا کے سابق چیئرمین سومندو ادھیکاری نے بھی اپنے بھائی کی طرح ہی سیاسی فیصلے لے رہے ہیں۔ انہوں نے جمعہ کو بی جے پی کا دامن تھام لیا ہے۔ اس دوران شوبھندو ادھیکاری نے کہا ’ہم اس لڑائی کو جیتیں گے’۔ انہوں نے ریاست میں نئی حکومت بننے کا دعویٰ کیا ہے۔ ممتا حکومت میں ٹرانسپورٹ وزیر رہے شوبھندو ادھیکاری نے کہا، ’ایک نئی حکومت بنے گی، جو نریندر مودی کے آدرشوں اور وعدوں کے ساتھ ریاست کو شونال بنگلہ بنانے کے لئے آگے بڑھے گی’۔


شوبھندو نے پہلے ہی کردیا تھا دعویٰ


آج ترنمول کانگریس کا یوم تاسیس ہے۔ ان کے بھائی سومندو ادھیکاری نے جمعرات کو کہا تھا کہ ہر گھر میں کمل کھلے گا۔ اس دوران ہی انہوں نے اپنے بھائی نقش قدم پر چل کر بی جے پی میں شامل ہونے کے اشارے دے دیئے تھے۔ فی الحال شوبھندو ادھیکاری فیملی کے دو اور رکن پارلیمنٹ دبیندو اور ششر ٹی ایم سی خیمے میں بنے ہوئے ہیں۔ شوبھندو ادھیکاری نے 16 دسمبر کو ٹی ایم سی سے ناطہ توڑ لیا تھا۔

مغربی بنگال میں 2021 میں اسمبلی انتخابات (West Bengal Assembly Election) ہونے ہیں۔ ان الیکشن کے پیش نظر بی جے پی ریاست میں کافی سرگرم بنی ہوئی ہے۔ وہیں، ریاست میں مسلسل ایک کے بعد ایک سیاسی حادثات کے سبب ہلچل تیز ہے۔ جمعرات کو ٹی ایم سی یوتھ ونگ کے جنرل سکریٹری ونے مشرا کے گھر گائے کی اسمگلنگ اور کوئلہ چوری کے الزامات کے سبب سی بی آئی نے چھاپہ مارا۔ مشرا ریاست کی وزیر اعلیٰ ممتا بنرجی (Mamata Banerjee) کے بھتیجے اور رکن پارلیمنٹ ابھیشیک بنرجی کے کافی قریبی مانے جاتے ہیں۔
Published by: Nisar Ahmad
First published: Jan 01, 2021 07:18 PM IST