Toycathon: ہندوستانی ثقافت پر کھلونے اور گیمس بنائیں، حکومت 50 لاکھ کا انعام دے گی

کیا آپ ایکٹیو ہیں؟ کچھ نیا اور الگ کرنا چاہتے ہیں؟ کھلونوں اور گیمس میں دلچسپی ہے؟ تو آپ کے پاس موقع ہے 50 لاکھ روپئے تک کا انعام جیتنے کا۔ یہ موقع آپ کو ہندوستانی حکومت دے رہی ہے۔

کیا ہے ٹوائے کیتھن؟

ٹوائے کیتھن ایک قومی سطح کا مقابلہ ہے، جس کا مقصد ہے ایسے کھلونے اور گیمس بنانا جو ہندوستانی تہذیب وثقافت، تاریخ، اقدار و خرافات (Mythology) پر مبنی ہوں۔ ’آتم نربھر بھارت ابھیان (AtmaNirbhar Bharat)’ کے تحت ملک کو ٹوائے اور گیم انڈسٹری میں بھی آتم نربھر بنانے کے لئے اس کی شروعات کی گئی ہے۔

کون لے سکتا ہے حصہ؟

اس مقابلے میں اسکولی طلبا سے لے کر، کالج کے طلبا، ٹیچرس اور پروفیشنلس تک حصہ لے سکتے ہیں۔ تین زمرے (کٹیگری) میں یہ مقابلہ منعقد کیا جا رہا ہے۔ جونیئر طلبا، ہائر ایجسوکیشن اسٹوڈنٹس اور پروفیشنلس۔ آپ اپنی کٹیگری کے مطابق، اس کے لئے اپلائی کرسکتے ہیں۔

کیسے کریں اپلائی 

ٹؤائے کیتھن 2021  (Toycathon 2021) کے لئے اس کی ویب سائٹ toycathon.mic.gov.in کے ذریعہ آن لائن اپلائی کرنا ہے۔ اپلی کیشن پروسیس 5 جنوری سے ہی چل رہی ہے۔ اپلائی کرنے کی آخری تاریخ 20 جنوری 2021 ہے۔

ضروری تاریخیں

یہ مقابلہ دو مرحلوں میں ہوگی۔ پہلے فیز کا رزلٹ 10 فروری کو جاری کیا جائے گا۔ اس کے بعد دوسرے فیز کے رزلٹ کا اعلان 22 فروری 2021 کو کی جائے گی۔ حالانکہ یہ دونوں تاریخیں ممکنہ ہیں۔ ان میں تبدیلی کا امکان ہے۔ ٹوائے کیتھن سے متعلق کسی طرح کی مدد کے لئے آپ اس ای - میل آئی ڈی پر پیغام بھیج سکتے ہیں:

toycathon@aicte-india.org