ای وی ایم ، بنیا پارٹی اور جیت کا راز.... شمال مشرق کے انتخابی نتائج پر وزیراعظم مودی نے کہی یہ 10 خاص باتیں
ای وی ایم ، بنیا پارٹی اور جیت کا راز.... شمال مشرق کے انتخابی نتائج پر وزیراعظم مودی نے کہی یہ 10 خاص باتیں ۔ تصویر : Twitter@BJP4India
Assembly Election Results 2023 : خطاب کی شروعات کرتے ہوئے وزیر اعظم مودی نے سب سے پہلے شمال مشرقی ہندوستان کے لوگوں کا خصوصی انداز میں شکریہ ادا کیا۔ انہوں نے بی جے پی کی مسلسل انتخابی جیت کی وجہ بتائی اور کانگریس اور دیگر اپوزیشن جماعتوں کو شدید نشانہ بنایا۔
- News18 Urdu
- Last Updated :
- Delhi | New Delhi
نئی دہلی : شمال مشرقی ہندوستان کی 3 ریاستوں تری پورہ، ناگالینڈ اور میگھالیہ کے انتخابی نتائج بھارتیہ جنتا پارٹی کے لئے خوشی لے کر آئے۔ اس موقع پر وزیر اعظم نریندر مودی نے ان تینوں ریاستوں میں پارٹی کی کارکردگی پر مبارکباد دینے کے لیے بی جے پی ہیڈکوارٹر میں منعقد ایک تقریب سے خطاب کرتے ہوئے پارٹی کارکنوں کی تعریف کی۔
اپنے خطاب کی شروعات کرتے ہوئے وزیر اعظم مودی نے سب سے پہلے شمال مشرقی ہندوستان کے لوگوں کا خصوصی انداز میں شکریہ ادا کیا۔ انہوں نے بی جے پی کی مسلسل انتخابی جیت کی وجہ بتائی اور کانگریس اور دیگر اپوزیشن جماعتوں کو شدید نشانہ بنایا۔
شمال مشرقی ریاستوں تری پورہ، ناگالینڈ اور میگھالیہ میں اسمبلی انتخابات کے نتائج اب بالکل واضح ہوگئے ہیں۔ تری پورہ میں جہاں بی جے پی نے اکیلے اکثریت کا ہندسہ عبور کرلیا ہے تو وہیں بی جے پی - این ڈی پی پی اتحاد نے ناگالینڈ میں شاندار جیت درج کی ہے۔ دوسری طرف این پی پی میگھالیہ میں سب سے بڑی پارٹی کے طور پر ابھری ہے، لیکن 27 نشستوں کے ساتھ وہ اکثریت سے دور رہ گئی ہے۔
وزیر اعظم کے خطاب کی 10خاص باتیں :
اپنے خطاب کی شروعات کرتے ہوئے وزیر اعظم مودی نے سب سے پہلے شمال مشرقی ہندوستان کے لوگوں کا خصوصی انداز میں شکریہ ادا کیا۔ انہوں نے بی جے پی کی مسلسل انتخابی جیت کی وجہ بتائی اور کانگریس اور دیگر اپوزیشن جماعتوں کو شدید نشانہ بنایا۔
شمال مشرقی ریاستوں تری پورہ، ناگالینڈ اور میگھالیہ میں اسمبلی انتخابات کے نتائج اب بالکل واضح ہوگئے ہیں۔ تری پورہ میں جہاں بی جے پی نے اکیلے اکثریت کا ہندسہ عبور کرلیا ہے تو وہیں بی جے پی - این ڈی پی پی اتحاد نے ناگالینڈ میں شاندار جیت درج کی ہے۔ دوسری طرف این پی پی میگھالیہ میں سب سے بڑی پارٹی کے طور پر ابھری ہے، لیکن 27 نشستوں کے ساتھ وہ اکثریت سے دور رہ گئی ہے۔
وزیر اعظم کے خطاب کی 10خاص باتیں :
وزیراعظم نریندر مودی نے اپنے خطاب کی شروعات کرتے ہوئے کہا کہ سب سے پہلے نارتھ ایسٹ کے سبھی شہریوں کے اعزاز میں موبائل فون نکال کر فلیش لائٹ نکال کر ان کا شکریہ ادا کیجئے ۔
وزیر مودی نے کہا کہ گزشتہ سالوں میں بی جے پی ہیڈ کوارٹر ایسے کئی مواقع کا گواہ بنا ہے ۔ آج ہمارے لئے عوام کو عاجزی سے سلام کرنے کا ایک اور موقع آیا ہے ۔ میں تری پوری، میگھالیہ اور ناگالینڈ کے عوام کا سرجھکا کر شکریہ ادا کرتا ہوں ۔
وزیراعظم مودی نے کہا کہ ان ریاستوں کے عوام نے ہمارے اتحادیوں کو بھی بھرپور آشیرواد دیا ہے ۔ دہلی میں بی جے پی کے لئے کام کرنا مشکل نہیں ہے، لیکن نارتھ ایسٹ میں ہمارے کارکنان نے دوگنی محنت کی ہے، ان کی محنت کی میں سراہنا کرتا ہوں اور شکریہ ادا کرتا ہوں ۔
وزیراعظم مودی نے کہا کہ الیکشن جیتنے سے زیادہ اس بات کا اطمینان ہے کہ میں نے وہاں بار بار جاکر وہاں کے عوام کا دل جیتا ۔ شمال مشرق کے لوگوں کو احساس ہے کہ اب ان کو نظر انداز نہیں کیا جاتا ہے ۔ اب نارتھ ایسٹ نہ دہلی سے دور ہے اور نہ دل سے دور ہے ۔
وزیراعظم مودی نے کہا کہ میں زیادہ ٹی وی نہیں دیکھ پاتا ہوں، لیکن مجھے لگتا ہے کہ اب تک میں نے دیکھا نہی ہے کہ ای وی ایم پر کوئی گالی پڑنی شروع ہوئی ہے یا نہیں ۔
وزیر اعظم مودی نے بی جے پی کی لگاتار جیت کا 'راز' بتاتے ہوئے کہا کہ کچھ خاص لوگوں کو یہ سوچ کر پیٹ میں درد ہوتا ہے کہ بی جے پی کی جیت کا راز کیا ہے۔ بی جے پی کی جیت کی مہم کا راز تروینی میں پوشیدہ ہے… پہلی طاقت : بی جے پی حکومتوں کا کام ، دوسری طاقت : بی جے پی حکومتوں کا ورک کلچر اور تیسری طاقت : بی جے پی کارکنوں میں خدمت کا جذبہ۔
کانگریس پر نشانہ سادھتے ہوئے وزیراعظم مودی نے کہا کہ کانگریس نے چھوٹے لوگوں کے تئیں اپنی نفرت کو جگ ظاہر کر دیا ہے۔ ان کی قیادت کہتی ہے کہ یہ چھوٹی ریاستیں ہیں… معنی نہیں رکھتیں، اس طرح کانگریس اسے حقارت کی نگاہ سے دیکھ کر بہت بڑی غلطی کر رہی ہے۔ اسی سوچ کے ساتھ چھوٹے، غریب قبائلیوں کو نظر انداز کیا ۔ چھوٹے لوگوں سے آپ کی نفرت آنے والے انتخابات میں بھی کانگریس کو ڈبو دے گی۔
وزیراعظم نریندر مودی نے کانگریس کے ساتھ ہی عام آدمی پارٹی پر بھی نشانہ سادھا۔ وزیراعظم مودی نے بی جے پی کارکنان کو خطاب کرتے ہوئے کہا کہ کچھ لوگ بے ایمانی بھی شدت سے کرتے ہیں۔ یہ لوگ اب مودی کی قبر کھودنے کی سازش میں لگے ہیں۔
وزیر اعظم مودی نے کہا کہ یہ لوگ کہہ رہے ہیں کہ مر جا مودی ۔۔۔۔ ملک کہہ رہا ہے مت جا مودی۔۔۔۔ وزیراعظم مودی نے ساتھ ہی طنزیہ لہجہ میں کہا : قبر کھودنے کی بات کے بعد بھی کمل کھل رہا ہے ۔
وزیر اعظم مودی نے مزید کہا کہ آج کا نتیجہ ملک اور دنیا کے لیے ایک پیغام ہے۔ اس سے پتہ چلتا ہے کہ ہندوستان میں جمہوریت پر کتنا اعتماد اور پختہ امید ہے۔
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔