انڈرورلڈڈان چھوٹا راجن کوبڑادھچکا، قریبی ساتھی ابوساونت کوسنگاپور سےہندوستان کیاگیاڈی پورٹ

ممبئی: ہندوستان کی ایجنسیوں کو بیرون ملک ایک اور بڑی کامیابی مل گئی ہے۔ سنتوش ساونت عرف ابو ساونت، جو انڈر ورلڈ ڈان چھوٹا راجن کے بہت ہی قریبی ساتھی اور فنانس ہینڈلر ہیں، کو سنگاپور سے ڈی پورٹ کر کے ہندوستان لایا گیا ہے۔ مرکزی ایجنسیوں اور ممبئی کرائم برانچ کی مشترکہ کارروائی کے بعد اسے سنگاپور سے ڈی پورٹ کیا گیا اور دہلی لایا گیا۔ سی بی آئی نے ابو ساونت کو دہلی سے اپنی تحویل میں لے لیا ہے۔ گزشتہ دو دہائیوں سے چھوٹا راجن کا یہ رکن مفرور تھا۔ اس کے خلاف مکوکا سمیت کئی دیگر مقدمات درج ہیں۔

سن 2000 میں سنتوش عرف ابو ساونت کی حوالگی کے حوالے سے سنگاپور سے کاغذی کارروائی شروع ہوئی۔ ابو ساونت کے خلاف ریڈ کارنر نوٹس بھی جاری کیا گیا تھا۔ ہندوستان کی ایجنسیوں کی طرف سے دو دہائیوں سے زیادہ کی محنت کے بعد اسے ملک منتقل کیا جا سکا۔ سنگاپور میں رہتے ہوئے ابو ساونت ہوٹل کے کاروبار کی آڑ میں انڈر ورلڈ ڈان چھوٹا راجن کے لیے کام کرتا تھا۔ ممبئی کرائم برانچ کے ساتھ ساتھ سی بی آئی نے بھی ان کے خلاف کئی کیس درج کیے ہیں۔ چھوٹا راجن گینگ میں گینگسٹر ڈی کے راؤ کے بعد سنتوش ساونت نمبر 2 تھا۔

یہ بھی پڑھیں:

• رمضان کے دوران گیانواپی مسجد میں ہی کیا جائے گا وضو کا انتظام، ہوگیا اتفاق


• ٹی ایم سی لیڈر مکل رائے نے پھر بی جے پی میں شامل ہونے کا کیا اعلان، کہا-شاہ اور نڈا سے کروں گا ملاقات


• عتیق-اشرف قتل معاملہ: قاتلوں کی عدالت میں پیشی آج، کچہری سے کورٹ تک چپے چپے پر تعینات رہے گی سیکورٹی فورس


• لکھنو کے مشہور نواب جعفر میر عبد اللہ کا انتقال، طویل عرصہ سے تھے بیمار

سال 2000 میں جب چھوٹا راجن پر حملہ ہوا تو اس کے بعد ان کے قریبی دوست روی پجاری، ہیمنت پجاری، بنٹی پانڈے، سنتوش اور وجے شیٹی، اعجاز لکڈاوالا نے بھی اسے چھوڑ دیا۔ لیکن سنتوش ساونت، جو انڈرورلڈ میں قدم جمانے کی کوشش کر رہاتھا۔ ڈی کے راؤ اور چھوٹا راجن کے ساتھ کندھے سے کندھا ملا کر کھڑے رہا اور جلد ہی ان کا قریبی دوست بن گیا۔ ڈی کے راؤ کے پاس گینگ کو سنبھالنے کا کام تھا جب کہ چھوٹا راجن نے ابو ساونت کو اپنے اور گینگ کے کالے دھن پر نظر رکھنے کی ذمہ داری سونپی تھی۔

سنتوش ساونت کے والد پیشے کے اعتبار سے رئیل اسٹیٹ بزنس مین تھے۔ ایسے میں اسے پراپرٹی ڈیلنگ اور فینانس کی اچھی سمجھ تھی۔ اس نے چھوٹا راجن کی کمپنی کی پراپرٹی ڈیلنگ اور فینانس ہینڈلنگ کا کام مکمل طور پر سنبھال لیا تھا۔ اسے بنیادی طور پر ڈرانے دھمکانے اور بھتہ خوری جیسے الزامات کا سامنا ہے۔ ممبئی سمیت پورے ملک میں ٹارگٹ طے کرنا، ان سے رابطہ کرکے دھمکیاں دینا اور پروٹیکشن منی کے نام پر پیسے بٹورنا، یہ سب کام صرف ساونت کے ذمہ تھا۔