مرکزی وزیر اسمرتی ایرانی کورونا وائرس سے متاثر، رابطے میں آئے لوگوں سے ٹسٹ کرانے کی اپیل

نئی دہلی: مرکزی وزیر اسمرتی ایرانی (Smriti Irani) کورونا وائرس (Coronavirus) سے متاثر پائی گئی ہیں۔ مرکزی وزیر نے ٹوئٹ کرکے اطلاع دی ہے۔ متاثر پائے جانے کے بعد اسمرتی ایرانی نے حال ہی میں اپنے رابطے میں آئے لوگوں سے ٹسٹ کروانے کی اپیل کی ہے۔ کورونا وائرس پازیٹیو پائے جانے کے بعد مرکزی وزیر برائے خواتین واطفال اسمرتی ایرانی نے خود کو آئیسولیٹ کرلیا ہے۔

اسمرتی ایرانی نے ٹوئٹ کیا کہ ’اعلان کرتے وقت الفاظ کی تلاش کرنا میرے لئے مشکل ہے، اس لئے یہاں میں اسے آسان رکھتے ہوئے کہوں گی کہ ’میں کووڈ پازیٹیو پائی گئی ہوں اور جو لوگ میرے رابطے میں آئے ہیں، ان سے گزارش کروں گی کہ وہ جلد از جلد خود کی جانچ کروالیں’۔

It is rare for me to search for words while making an announcement; hence here’s me keeping it simple — I’ve tested positive for #COVID and would request those who came in contact with me to get themselves tested at the earliest 🙏

— Smriti Z Irani (@smritiirani) October 28, 2020

واضح رہے کہ اسمرتی ایرانی سے پہلے ریزرو بینک آف انڈیا کے گورنر شکتی کانت داس کورونا وائرس سے متاثر پائے گئے تھے۔ وہیں حال ہی میں مہاراشٹر کے سابق وزیر اعلیٰ دیویندر فڑنویس اور بہارکے نائب وزیر اعلیٰ سشیل کمار مودی بھی کووڈ پازیٹیو پائے گئے تھے۔ وہیں اس سے پہلے نائب صدر جمہوریہ وینکیا نائیڈو، مرکزی وزیر داخلہ امت شاہ، مرکزی وزیر دھرمیندر پردھان سمیت مرکزی حکومت کے کئی وزرا کورونا کی چپیٹ میں آچکے ہیں۔ اس کے علاوہ کئی مرکزی وریاستی وزرا کی کورونا سے جان بھی چلی گئی ہے۔