UP By Election Results:سوار اور چھانبے کے نتائج بھی دیں گے پیغام، بنیں گی مستقبل کے اتحاد کی راہیں

رامپور ضلع کے سوار اور مرزاپور ضلع کی چھان بے اسمبلی حلقوں میں ہورہے ضمنی الیکشن کے نتائج بھی آج ہفتہ کو سامنے آجائیں گے۔ دونوں اسمبلی سیٹوں پر ضمنی الیکشن کے نتائج مستقبل میں اتحاد کی سیاست میں بڑا پیغام دیں گے۔

سوار اسمبلی سیٹ کے ضمنی انتخاب میں بی جے پی کی حلیف اپنا دل نے مسلم امیدوار شفیق احمد انصاری کو میدان میں اتارا ہے۔ دوسری طرف، ایس پی نے انورادھا چوہان کو مسلم اکثریتی سیٹ کے لیے نامزد کیا ہے۔ ذرائع کا کہنا ہے کہ بلدیاتی انتخابات میں مصروفیت کی وجہ سے بی جے پی لیڈر اور کارکن سوار اسمبلی انتخابات میں اتنی توانائی نہیں لگا سکے جتنی وہ رام پور اسمبلی ضمنی انتخاب میں مصروف تھے۔ دوسری طرف اعظم خان نے سوار میں ایس پی کی جیت کو وقار کا سوال بنا دیا ہے۔

یہ بھی پڑھیں:

کرناٹک: بی جے پی توڑے گی38سال کاریکارڈ یا کانگریس کرے گی واپسی، JDSبنے گی کنگ میکر! نتائج آج

اُدھر، مرزاپور کی چھانبے سیٹ پر بھی اپنا دل اور ایس پی کے درمیان سیدھا مقابلہ ہے۔ اپنا دل سے سابق ایم ایل اے اانجہانی راہل پرکاش کول کی بیوی رینکی کول ہیں۔ ایس پی نے کیرتی کول کو امیدوار بنایا ہے۔ حالانکہ چھانبے سیٹ کو اپنا دل کا گڑھ مانا جاتا ہے لیکن دونوں امیدوار سیاسی خاندان سے ہونے کی وجہ سے مقابلہ اچھا ہوا ہے۔

یہ بھی پڑھیں:

پونچھ میں شادی کی تقریب میں پٹاخے جلانے پر لگی پابندی، ضلعی مجسٹریٹ نے جاری کئے احکام

ماہرین کا خیال ہے کہ اگر اپنا دل سوار اور چنبے سیٹیں جیتنے میں کامیاب ہوتی ہے تو وہ لوک سبھا انتخابات میں بی جے پی کے ساتھ مزید بات چیت کرنے کی پوزیشن میں ہوگی۔ دوسری طرف اگر ایس پی سوار میں اپنی گرفت برقرار رکھنے میں کامیاب ہوجاتی ہے تو ایس پی میں اعظم کی پوزیشن پہلے کی طرح مضبوط ہوگی، ساتھ ہی یہ پیغام بھی جائے گا کہ مسلم ووٹ بینک ایس پی کے ساتھ ہے۔