پلوامہ حملہ: ایک فوجی کے بدلے 10 سر لائیں مودی، تبھی مانیں گے ہے 56 انچ کا سینہ: شیو پال یادو

شیو پال سنگھ یادو نے مرکزی حکومت پر الزام بھی لگایا کہ سکیورٹی میں لاپرواہی کی وجہ سے ہی ایسے حادثے ہو رہے ہیں اب وقت آگیا ہے کہ پی ایم مودی اپنا وعدہ پورا کرکے دکھائیں۔

Feb 16, 2019 11:33 PM IST | Updated on: Feb 16, 2019 11:50 PM IST
پلوامہ حملہ: ایک فوجی کے بدلے 10 سر لائیں مودی، تبھی مانیں گے ہے 56 انچ کا سینہ: شیو پال یادو

پرگتی شیل سماجوادی پارٹی کے صدر شیوپال یادو: فائل فوٹو۔

پلوامہ حملے کے بعد ملک بھر میں جہاں غصے کا ماحول ہے وہیں تمام سیاسی پارٹیاں بھی اپنی۔اپنی بات رکھ رہی ہیں۔ اسی پہر میں سماجوادی پارٹی کے صدر شیو پال یادو نے بھی وزیر اعظم نریندر مودی سے اپیل کی ہے کہ انہیں ایک فوجی کے بدلے 10 دہشت گردوں کے سر لانا چاہئے۔

شیو پال نے آگے کہا کہ ایک کے بدلے 10 کا وعدہ پورا ہو تب ہی ثابت ہوگا کہ پی ایم مودی کا 56 انچ کاسینہ ہے۔ ساتھ ہی شیو پال یادو نے یہ بھی کہا کہ فوج کو پوری چھوٹ دینی چاہئے۔

Loading...

انہوں نے مرکزی حکومت پر الزام بھی لگایا کہ سکیورٹی میں لاپرواہی کی وجہ سے ہی ایسے حادثے ہو رہے ہیں اب وقت آگیا ہے کہ پی ایم مودی اپنا وعدہ پورا کرکے دکھائیں۔

واضح ہو کہ جمعرات کو سی آر پی ایف کے قافلے پر عادل نے فدائین حملہ کر دیا جس میں 40 جوان شہید ہوگئے اور متعدد جوان زخمی ہوگئے تھے۔ اس حملے کے بعد ملک بھر میں غصے کا ماحول ہے۔

Loading...