دہلی کے بعد اب اعظم گڑھ میں ملی کئی ٹکروں میں لڑکی کی لاش، علاقہ میں سنسنی، پولیس نے شروع کی جانچ

اعظم گڑھ : اترپردیش کے اعظم گڑھ ضلع کے اہرولا تھانہ علاقہ کے پشچھم پٹی گاوں کے گوری کا پورا میں سڑک کنارے واقع ایک کنویں میں ایک لڑکی کی کئی ٹکروں میں لاش برآمد ہونے سے افراتفری مچ گئی ۔ واقعہ کی جانکاری ملتے ہی پولیس جائے واقعہ پر پہنچ گئی اور لاش کو کنویں سے باہر نکال کر جانچ میں مصروف ہوگئی ۔ فی الحال ابھی تک لاش کی شناخت نہیں ہوسکی ہے ۔ جائے واقعہ پر ڈاگ اسکواڈ اور فارینسک ٹیم کے ساتھ پولیس افسران موجود ہیں ۔

بتادیں کہ ابھی دہلی میں لڑکی کا قتل کرکے اس کی لاش کو کئی ٹکڑوں میں پھینکے جانے کا معاملہ ٹھنڈہ بھی نہیں ہوا تھا کہ اب اعظم گڑھ میں بھی ایک ایسا ہی واقعہ سامنے آنے کے بعد پولیس محکمہ میں افراتفری مچ گئی ہے ۔ منگل کی صبح اہرولا تھانہ علاقہ کے پشچھم پٹی گاوں کے گوری کا پورا کی جانب لوگ قضائے حاجت کیلئے نکلے تھے ، تبھی کسی نے کنویں میں دیکھا تو وہ رہ حیران گیا ۔ اس میں ایک لڑکی کے اعضا کو کاٹ کر پھینکا گیا تھا ۔

دھیرے دھیرے جائے واقعہ پر کافی بھیڑ جمع ہوگئی ۔ وہاں پر موجود لوگوں نے واقعہ کی جانکاری پولیس دی ۔ جائے واقعہ پر پہنچی پولیس نے لاش کو کنویں سے باہر نکلوایا ۔ لڑکی کی عمر لگ بھگ 22 سال بتائی جارہی ہے ۔ پولیس نے لاش کی شناخت کی کوشش کی، لیکن اس کی شناخت نہیں ہوسکی ۔ پولیس جائے واقعہ کی چھان بین میں مصروف ہے ۔

یہ بھی پڑھئے: 2014 کے پہلے اور بعد کے ہندوستان میں بہت بڑا فرق: وزیر اعظم مودی

یہ بھی پڑھئے: اداکارہ جیکلین فرنانڈیز کو پٹیالہ ہاوس کورٹ سے ملی بڑی راحت، ملی ضمانت، جانئے پورا معاملہ

واقعہ کی جانکاری ملتے ہی ایس پی انوراگ آریہ بھی جائے واقعہ پر پہنچ گئے ہیں ۔ ایس پی انوراگ آریہ نے بتایا کہ نامعلوم لڑکی کی لاش الگ الگ ٹکڑوں میں ملی ہے ۔ جائے واقعہ پر ڈاگ اسکواڈ و فارینسک ٹیم جانچ میں مصروف ہیں ۔ چھان بین کے بعد پولیس جلد ہی معاملہ کا انکشاف کرے گی ۔