Kanpur Cold Wave: کانپور میں ٹھنڈ ہورہی جان لیوا، ہارٹ اٹیک اور برین اسٹروک سے 25 کی موت

کانپور : یوپی کے کانپور میں ٹھنڈ کا قہر لگاتار جاری ہے ۔ عالم یہ ہے کہ روزانہ ہارٹ اٹیک اور برین اسٹروک کے معاملات سامنے آرہے ہیں ۔ اتنا ہی نہیں ٹھنڈ کی وجہ سے ضلع اسپتال اور ہیلٹ اسپتال کی او ڈی پی میں بڑی تعداد میں مریضوں کی بھیڑ دیکھنے کو مل رہی ہے ۔ وہیں کانپور کے کارڈیولاجی اسپتالوں میں بھی بڑی تعداد میں روزانہ دل سے وابستہ بیماری کے مریض سامنے آرہے ہیں ۔

کانپور کے ہارٹ ڈیزیز سینٹر کے کارڈیولاجی محکمہ نے کل (جمعرات) کا اعداد و شمار بھی جاری کیا ہے، جس میں 23 لوگوں کی دل سے وابستہ بیماریوں کی وجہ سے موت کی بات کہی گئی ہے ۔ وہیں برین اسٹروک سے بھی دو مریضوں کی موت ہونے کی بات سامنے آئی ہے ۔ اس طرح کانپور میں جمعرات کو 25 لوگوں نے سردی کے ستم سے اپنی جان گنوا دی ہے ۔

کارڈیولاجی کے ڈائریکٹر پروفیسر ونے کرشنا کا کہنا ہے کہ یہ سردی دل اور دماغ دونوں پر بھاری پڑ رہی ہے ۔ ٹھٹھرن کی وجہ سے نسوں میں بھی خون کے تھکے جم رہے ہیں ، جس کی وجہ سے بلڈ پریشر بڑھ رہا ہے اور لوگوں کو اٹیک آرہے ہیں ۔ کارڈیولاجی محکمہ کے اعداد و شمار کے مطابق جمعرات کو 23 لوگوں کی ہارٹ اٹیک سے موت ہوئی ہے ۔ وہیں ٹھنڈ کی وجہ سے کانپور میں حالات لگاتار خراب ہوتے جارہے ہیں ۔ سرد لہر چل رہی ہے اور لوگ گھروں سے باہر نہیں نکل رہے ہیں ۔

یہ بھی پڑھئے: ہاتھا پائی، کرسیاں پھینکیں...، میئر الیکشن پر کیوں بھڑے اے اے پی اور بی جے پی کے کونسلرز

یہ بھی پڑھئے: خاتون پر پیشاب کرنے کے بعد ملزم فرار، بولا۔ معاف کردو، بیوی۔بچے پریشان ہوں گے

وہیں ڈاکٹر ونے کرشنا کا کہنا ہے کہ دل اور دماغ سے وابستہ بیماریوں سے بچنے کیلئے ہمیں سردی سے بچاو کرنا انتہائی ضروری ہے ۔ بہت ضروری ہو تو ہی گھروں سے باہر نکلیں ۔ اس وقت مارننگ واک پوری طرح سے بند کردیں ۔ وہیں کھانے میں ہری سبزی کا استعمال کریں اور تغذیہ بخش کھانا کھائیں ۔ ساتھ ہی کہا کہ گھر کے اندر ہی ورزش اور یوگ کریں ۔ دل ، دماغ یا سینے میں درد کی پریشانی پرہونے پر فورا ڈاکٹر سے صلاح لیں ۔