اترپردیش: اعظم خان کو لگا بڑا جھٹکا، اب نہیں ڈال پائیں گے ووٹ، ووٹر لسٹ سے نام ہٹانے کا حکم

رامپور: سماجوادی پارٹی کے سینئر لیڈر اعظم خان کو جمعرات کو بڑا جھٹکا لگا ۔ اب اعظم خان ووٹ بھی نہیں ڈال سکیں گے ۔ ان کا نام ووٹرلسٹ سے ہی کاٹ دیا جائے گا ۔ نفرت آمیز تقریر کرنے کے معاملہ میں تین سال کی سزا ملنے کی وجہ سے ان کی اسمبلی کی رکنیت چلی گئی تھی ۔ اب الیکشن کمیشن نے ان سے ووٹنگ کا حق بھی چھین لیا ہے ۔ ان کا نام ووٹر لسٹ سے ہٹانے کا حکم دیا گیا ہے ۔

الیکشن کمیشن نے عوامی نمائندگی ایکٹ کی دفعہ 16 کے تحت یہ کارروائی کی ہے ۔ رامپور صدر سیٹ کے ضمنی الیکشن میں بی جے پی کے امیدوار آکاش سکسینہ نے عوامی نمائندگی ایکٹ کی مختلف دفعات کا حوالہ دیتے ہوئے اعظم خان کا حق رائے دہی کا اختیار چھیننے کیلئے الیکشن کمیشن کو خط لکھا تھا ۔

یہ بھی پڑھئے: بڑی خبر! سعوی عرب جانے والے ہندوستانیوں کو ویزا کے حصول کیلئے اب نہیں دیناہوگا یہ سرٹیفکیٹ

یہ بھی پڑھئے: گیانواپی کیس: مسلم فریق کو کورٹ سے جھٹکا، اعتراض کو کیا خارج، کہا: عرضی سماعت کے قابل

رامپور اسمبلی حلقہ کے ووٹر رجسٹریشن افسر کے ذریعہ جاری حکم میں کہا گیا ہے کہ شکایت گزار آکاش سکسینہ کی درخواست کے ساتھ عدالت کے حکم کی کاپیاں اور عوامی نمائندگی ایکٹ 1950 اور 1951 کی متعلقہ دفعات کے تحت اعظم خان کا نام ووٹر لسٹ سے کاٹ دیا جائے ۔

غور طلب ہے کہ اعظم خان کو اشتعال انگیز تقریر کرنے کے معاملہ میں 27 اکتوبر کو رامپور کی ایم پی ۔ ایم ایل اے عدالت نے تین سال کی سزا سنائی تھی ۔ اس کے بعد ان کی اسمبلی کی رکنیت رد ہوگئی تھی ۔