اعظم خان کے خلاف مزید تین ایف آئی آر درج ، اب تک کل 26 کیسز درج ، جانیں کیا ہے پورا معامملہ

رامپور سے سماجوادی پارٹی کے ممبر پارلیمنٹ اور حال ہی میں زمین مافیا قرار دئے گئے اعظم خان کی مشکلات ختم ہونے کا نام نہیں لے رہی ہیں ۔ اب زمین پر قبضہ کرنے کے معاملہ میں ان کے خلاف مزید تین ایف آئی آر درج کی گئی ہیں ۔

Jul 21, 2019 11:21 AM IST | Updated on: Jul 21, 2019 11:21 AM IST
اعظم خان کے خلاف مزید تین ایف آئی آر درج ، اب تک کل 26 کیسز درج ، جانیں کیا ہے پورا معامملہ

اعظم خان ۔ فائل فوٹو ۔

رامپور سے سماجوادی پارٹی کے ممبر پارلیمنٹ اور حال ہی میں زمین مافیا قرار دئے گئے اعظم خان کی مشکلات ختم ہونے کا نام نہیں لے رہی ہیں ۔ اب زمین پر قبضہ کرنے کے معاملہ میں ان کے خلاف مزید تین ایف آئی آر درج کی گئی ہیں ۔ قابل ذکر ہے کہ اب تک اعظم خان کے خلاف زمین پر قبضہ کرنے سے متعلق 26 معاملات درج کئے جاچکے ہیں ۔

غور طلب ہے کہ حال ہی میں ایس پی اجے پال شرما نے جانکاری دی تھی  کہ سماجوادی پارٹی لیڈر اعظم خان کے خلاف 23 ایف آئی آر درج کی گئی ہیں ۔ یہ سبھی معاملات زمین پر قبضہ کرنے سے متعلق رہیں ۔ کسانوں کے ذریعہ درج کرائی گئی ان شکایتوں میں کہا گیا ہے کہ اعظم خان کے کہنے پر پولیس اہلکاروں نے انہیں اذیت پہنچائی اور ان کی زمینوں پر ناجائز طریقہ سے قبضہ کرلیا گیا ۔

اس معاملہ میں رام پور ضلع افسر کا کہنا ہے کہ ایڈمنسٹریٹیو آرڈر کے مطابق ایسے لوگوں کو زمین مافیا قرار دیا جاتا ہے جو دبنگئی سے لوگوں کی زمین پر قبضہ کرلیتے ہیں ۔ اعظم خان کے خلاف 23 معاملات درج ہوئے ہیں ، جس کے بعد اعظم خان کو زمین مافیا قرار دیا گیا ہے ۔

ادھر اعظم خان نے زمین مافیا کا تمغہ ملنے اور اپنے خلاف درج کرائی گئی شکایتوں پر کہا کہ جب سے میں نے بی جے پی کے خلاف الیکشن جیتا ہے تب سے مجھے سزا دی جارہی ہے ۔ سبھی الزامات جھوٹے ہیں ، اگر وہ چاہتے ہیں تو جانچ کر سکتے ہیں ۔ میرے ہر طرف دشمن ہی دشمن ہیں ۔

Loading...