گیانواپی تنازعہ سے جڑے سبھی 7 معاملوں کی ایک ساتھ ہوگی سماعت، وارانسی کورٹ کا بڑا فیصلہ

Gyanvapi Mosque Issue: ۔ وارانسی کی عدالت نے اترپردیش کی گیانواپی مسجد میں مبینہ شیولنگ تنازعہ پر اہم فیصلہ سنایا ہے۔ عدالت نے کیس سے متعلق تمام درخواستوں کو ایک ساتھ جمع کرنے کا حکم دیا ہے۔ عدالت نے حکم دیا ہے کہ تمام 8 مقدمات کی سماعت ایک ہی عدالت میں ہوگی۔ سماعت کے دوران عدالت سے اپیل کی گئی کہ گیانواپی واقعہ سے متعلق سات معاملات ایک ہی نوعیت کے ہیں۔ ایسی صورت حال میں انہیں ایک ساتھ سنا جانا چاہیے۔ ڈسٹرکٹ جج نے مختلف مقدمات سے متعلق فائلیں طلب کی تھیں۔ معاملے میں تمام فریقین کے بیانات قلمبند ہوچکے ہیں۔

اس سے قبل پیر کو بھی اس تنازع پر عدالت میں سماعت ہوئی تھی۔ انجمن انتظامیہ مسجد کمیٹی نے آرکیالوجیکل سروے آف انڈیا (اے ایس آئی) کی جانب سے متنازعہ مقام کا کاربن ڈیٹنگ اور گراؤنڈ پینیٹریٹنگ ریڈار (جی پی آر) تکنیک سے سروے کرنے کی درخواست پر اعتراض کیا۔ ڈسٹرکٹ جج ڈاکٹر اجے کرشنا وشویش کی عدالت نے سماعت کی اگلی تاریخ 7 جولائی مقرر کی ہے۔

یہ بھی پڑھئے : عتیق۔دہشت گرد کا نام لےکر، 2000 کے نوٹ پر دہلی ہائی کورٹ میں سوال، سب کے پاس آدھار تو۔۔۔

G20 سے چین۔پاکستان نے بنائی دوری، غیر ملکی مہمانوں نے سری نگر میں شکارا کشتی کا مزہ لیا۔۔۔

حال ہی میں سپریم کورٹ نے مسجد میں مبینہ شیولنگ کی کاربن ڈیٹنگ پر پابندی لگا دی ہے۔ اس مسجد کا ویڈیو گرافک سروے پچھلے سال کیا گیا تھا۔ اس پر جمعہ کو سپریم کورٹ میں ’شیولنگ‘ کی کاربن ڈیٹنگ سمیت ’سائنسی سروے‘ کے سلسلے میں سماعت ہوئی اور عدالت نے الہ آباد ہائی کورٹ کے آرکیالوجیکل سروے آف انڈیا کی طرف سے کاربن ڈیٹنگ کی ہدایت دینے والے حکم پر روک لگا دی۔ اس کے ساتھ ہی عدالت نے نوٹس بھی جاری کیا تھا۔ سپریم کورٹ میں گیانواپی کیس کی اگلی سماعت 22 مئی کو ہوگی۔