چاردھام یاترا کے درمیان اتراکھنڈ میں لرز اٹھی زمین، چمولی اور رودرپریاگ میں زلزلے کے جھٹکے

چمولی۔ اتراکھنڈ میں ایک بار پھر زمین ہلنے سے لوگ خوفزدہ ہوگئے۔ جمعرات کی صبح تقریباً 9:52 بجے چمولی اور رادرپریاگ اضلاع میں زلزلے کے جھٹکے محسوس کیے گئے، جس کے بعد لوگ اپنے گھروں، دفاتر اور دکانوں سے باہر نکل آئے۔ زلزلے کی شدت ریکٹر اسکیل پر 3.3 بتائی گئی ہے۔ فی الحال کسی جانی یا مالی نقصان کی کوئی اطلاع نہیں ہے۔ ڈیزاسٹر کنٹرول ڈیپارٹمنٹ ضلع سے مسلسل اپ ڈیٹ لے رہا ہے۔

بتا دیں کہ ان دنوں اتراکھنڈ میں چاردھام یاترا چل رہی ہے۔ ایسے میں لاکھوں عقیدت مند کیدارناتھ، بدری ناتھ، یمونوتری اور گنگوتری پہنچ رہے ہیں۔ ایسے میں زلزلے کے جھٹکوں کی وجہ سے مقامی لوگوں کے ساتھ عقیدت مند بھی خوف میں مبتلا ہو گئے۔

یہ بھی پڑھئے : اتراکھنڈ میں بھی زلزلہ مچا سکتا ہے ترکی جیسی تباہی! سائنداں نے کیا خبردار

سیکورٹی فورسز کے قافلے اور VIP موومنٹ کے وقت کوڈزبان کا استعمال کریں: مرکزی حکومت کی ہدایت

اہم بات یہ ہے کہ ریاست اتراکھنڈ زلزلے کے نقطہ نظر سے بہت حساس ہے۔ زلزلے کے نقطہ نظر سے ریاست کے کئی اضلاع زون چار اور پانچ میں آتے ہیں۔ یہی وجہ ہے کہ ان اضلاع میں اکثر زلزلے کے جھٹکے محسوس کیے جاتے ہیں۔