உங்கள் மாவட்டத்தைத் தேர்வுசெய்க

    Vice President Election 2022:آج ہوگا نائب صدارتی الیکشن، جگدیپ دھنکڑکی برتری برقرار، جانیے کیا ہے مساوات؟

    آج ہے نائب صدارتی الیکشن۔ شام تک ہوجائے گا ہندوستان کے نئے نائب صدر کے نام کا اعلان۔

    آج ہے نائب صدارتی الیکشن۔ شام تک ہوجائے گا ہندوستان کے نئے نائب صدر کے نام کا اعلان۔

    Vice President Election 2022: لوک سبھا اور راجیہ سبھا کے تمام ممبران نائب صدر کے انتخاب کے لیے الیکٹورل کالج میں شامل ہیں۔ نامزد ارکان بھی اس میں ووٹ دینے کے اہل ہیں۔ پارلیمنٹ میں اراکین کی موجودہ تعداد 788 ہے، جنہیں جیتنے کے لیے 390 سے زیادہ ووٹ درکار ہیں۔

    • Share this:
      Vice President Election 2022: ملک کے نائب صدر کے عہدے کے لیے آج انتخابات ہوں گے۔ انتخابات کے نتائج کا اعلان بھی شام تک کر دیا جائے گا۔ نائب صدر کے انتخاب میں این ڈی اے کے امیدوار سابق گورنر جگدیپ دھنکھڑ (Jagdeep Dhankhar)ہیں۔ اس کے ساتھ ہی اپوزیشن نے کانگریس لیڈر مارگریٹ الوا(Margaret Alva) کو اپنا امیدوار نامزد کیا ہے۔ موجودہ نائب صدر وینکیا نائیڈو کی میعاد 10 اگست کو ختم ہو رہی ہے۔ اس بار الیکشن کو لے کر کیا کیا مساواتیں بن رہی ہیں، کس کی برتری ہے، جانیے نائب صدر کے انتخاب سے جڑی اہم باتیں-

      پارلیمنٹ ہاؤس میں صبح 10 بجے سے شام 5 بجے تک ووٹنگ ہوگی۔ اس کے فوراً بعد ووٹوں کی گنتی کی جائے گی اور دیر شام تک ملک کے نئے نائب صدر کے نام کا اعلان ریٹرننگ افسر کر دے گا۔ نئے نائب صدر 11 اگست کو حلف لیں گے۔

      انتخابات متناسب نمائندگی کے نظام کے مطابق واحد منتقلی ووٹ کے ذریعے ہوں گے اور انتخاب خفیہ رائے شماری کے ذریعے ہوگا۔ اس نظام میں، انتخاب کنندہ کو امیدواروں کے ناموں کے مقابلے میں ترجیحات کو نشان زد کرنا ہوتا ہے۔ اس الیکشن میں اوپن ووٹنگ کا کوئی تصور نہیں ہے اور صدر اور نائب صدر کے انتخاب میں کسی بھی حالت میں کسی کو بیلٹ پیپر دکھانا سختی سے ممنوع ہے۔

      لوک سبھا اور راجیہ سبھا کے تمام ممبران نائب صدر کے انتخاب کے لیے الیکٹورل کالج میں شامل ہیں۔ نامزد ارکان بھی اس میں ووٹ دینے کے اہل ہیں۔ پارلیمنٹ میں اراکین کی موجودہ تعداد 788 ہے، جنہیں جیتنے کے لیے 390 سے زیادہ ووٹ درکار ہیں۔

      لوک سبھا میں بی جے پی کے پاس مجموعی طور پر 303 ارکان ہیں، ایم پی سنجے دھوترے خرابی صحت کی وجہ سے نہیں آسکیں گے۔ اس طرح این ڈی اے کے لوک سبھا میں کل 336 ارکان ہیں۔ اس کے ساتھ ہی راجیہ سبھا میں بی جے پی کے 91 (بشمول 4 نامزد ارکان) ہیں اور این ڈی اے کے کل 109 ارکان ہیں۔ ایسے میں اب این ڈی اے کے دونوں ایوانوں میں کل 445 ارکان ہیں۔

      یہ بھی پڑھیں:

      National Symbols of India: ہندوستان کا قومی نشان اور علامتیں کیا ہیں اور ان کا کیا ہےمطلب؟

      یہ بھی پڑھیں:

      کانگریس کا احتجاج کہیں رام جنم بھومی کی مخالفت تو نہیں؟ وزیر داخلہ امت شاہ نے اٹھائے سوال

      نائب صدر کے انتخاب کو لے کر اپوزیشن جماعتوں کے درمیان اختلافات بھی سامنے آئے ہیں کیونکہ مغربی بنگال کی وزیر اعلیٰ ممتا بنرجی کی قیادت والی ترنمول کانگریس نے الوا کے نام کے اعلان سے قبل کسی اتفاق رائے پر پہنچنے کی کوششوں کا حوالہ دیتے ہوئے ووٹنگ کے عمل سے الگ رہنے کا اعلان کیا ہے۔
      Published by:Shaik Khaleel Farhaad
      First published: