Vice President Election: چھ اگست کو ہوگی ووٹنگ، نتیجہ بھی اسی دن، الیکشن کمیشن نے کیا اعلان

نئی دہلی: الیکشن کمیشن نے نائب صدر کے الیکشن کے شیڈول کا اعلان کر دیا ہے۔ نائب صدر کے الیکشن کے لئے 6 اگست کو ووٹ ڈالے جائیں گے اور اسی دن ووٹوں کی گنتی بھی ہوگی۔ یعنی 6 اگست کو نائب صدر کے انتخاب کے نتائج آ جائیں گے۔ موجودہ نائب صدر ایم وینکیا نائیڈو کی میعاد 10 اگست کو ختم ہو رہی ہے ۔ چیف الیکشن کمشنر راجیو کمار اور الیکشن کمشنر انوپ چندر پانڈے کی میٹنگ میں نائب صدر کے الیکشن کے پروگرام کو حتمی شکل دی گئی ہے ۔

 

یہ بھی پڑھئے: اورنگ آباد اور عثمان آباد کا نام بدلنے پر ادھو سرکار کی مہر، کانگریس ناراض

الیکشن کمیشن نے بتایا کہ نائب صدر کے الیکشن کا نوٹیفکیشن 5 جولائی کو جاری کیا جائے گا۔ کاغذات نامزدگی داخل کرنے کی آخری تاریخ 19 جولائی ہوگی۔ کاغذات نامزدگی کی جانچ پڑتال 20 جولائی کو ہوگی اور کاغذات نامزدگی واپس لینے کی آخری تاریخ 22 جولائی ہے۔

EC announces schedule of Vice-Presidential election, voting on August 6

Read @ANI Story | https://t.co/6m6EZt1r2l#ElectionCommissionOfIndia #VicePresidentElections #VicePresidentofIndia pic.twitter.com/6m01nI4tLi

— ANI Digital (@ani_digital) June 29, 2022

 

یہ بھی پڑھئے: تیستا سیتلواڑ کی گرفتاری پر UN نے اٹھایا سوال تو ہندوستانی وزارت خارجہ نے دیا کرارا جواب

نائب صدر کا انتخاب کیسے ہوتا ہے؟

نائب صدر کا الیکشن پارلیمنٹ کے دونوں ایوانوں سے مل کر بننے والے الیکٹورل کالج کے ذریعہ متناسب نمائندگی نظام کے ذریعہ ہوتا ہے ۔ دونوں ایوانوں کے ارکان اس میں حصہ لیتے ہیں اور ہر رکن صرف ایک ووٹ ہی ڈال سکتا ہے۔ صدر جمہوریہ کے الیکشن میں منتخب ممبران پارلیمنٹ کے ساتھ ساتھ ایم ایل ایز بھی ووٹ ڈالتے ہیں، لیکن نائب صدر کے الیکشن میں صرف لوک سبھا اور راجیہ سبھا کے ممبران ہی ووٹ ڈال سکتے ہیں ۔

دونوں ایوانوں کے لیے نامزد ارکان صدارتی الیکشن میں ووٹ نہیں دے سکتے ہیں ، لیکن وہ نائب صدر کے الیکشن میں ووٹ دے سکتے ہیں۔ اس طرح سے دیکھا جائے تو نائب صدر کے انتخاب میں دونوں ایوانوں کے 790 ووٹرز حصہ لیں گے ۔