COVID-19: نائب صدر جمہوریہ ایم وینکیا نائیڈو کورونا پازیٹیو، ہوئے ہوم کوارنٹائن

نئی دہلی: کورونا وائرس وبا (Coronavirus) سے حالات اب بھی سنگین ہیں۔ ملک کے وزیر داخلہ امت شاہ اور دیگر کئی اہم لیڈروں کے بعد اب نائب صدر جمہوریہ ایم وینکیا نائیڈو (Vice President Venkaiah Naidu) کی بھی کورونا وائرس رپورٹ پازیٹیو آئی ہے۔ نائب صدر جمہوریہ نے ٹوئٹ کرکے اس کی اطلاع دی ہے۔ ٹوئٹ میں کہا گیا، ’نائب صدر جمہورنے منگل کی صبح کووڈ-19 (COVID-19) جانچ کرائی، جس میں ان کی رپورٹ پازیٹیو آئی ہے۔ حالانکہ وہ صحتیاب ہیں اور انہیں بغیر علامت والا انفیکشن ہے۔ وہ ہوم کوارنٹائن ہیں۔ نائب صدر جمہوریہ کی اہلیہ اوشا نائیڈو کا بھی کورونا ٹسٹ کرایا گیا ہے۔ ان کی رپورٹ نگیٹیو آئی ہے اور وہ فی الحال سیلف آئیسولیشن میں ہیں۔

نائب صدر جمہوریہ ایم وینکیا نائیڈو نے منگل کو سبھی کے لئے بہتر معیار والی صحت خدمات آسان اور سستی بنانے کی گزارش کی۔ ساتھ ہی پرائیویٹ حلقوں سے ملک کے دیہی عوام میں جدید سہولیات کو توسیع کرنے کو فروغ دینے کی گزارش کی۔ فکی کے ذریعہ منعقدہ ایک پروگرام کو خطاب کرتے ہوئے انہوں نے یہ باتیں کہیں۔ نائب صدر جمہوریہ نے کہا کہ پرائیویٹ میدان آگے آسکتے ہیں اور عوامی و ذاتی شراکت (پی پی پی) کے ذریعہ ان علاقوں میں اپنی توسیع کرسکتے ہیں۔ ملک کے ہر ایک شیئر ہولڈر کی صلاحیت کے استعمال کئے جانے کی ضرورت پر زور دیتے ہوئے انہوں نے صحت خدمات کے عمل کو مضبوط کرنے کی گزارش کی۔

The Vice President of India who underwent a routine COVID-19 test today morning has been tested positive. He is however, asymptomatic and in good health. He has been advised home quarantine. His wife Smt. Usha Naidu has been tested negative and is in self-isolation.

— Vice President of India (@VPSecretariat) September 29, 2020

ایم وینکیا نائیڈو نے پرائیویٹ سیکٹر سے گزارش کی ہےکہ وہ جدید اور اعلی درجے کے سامان سمیت طبی آلات میں اضافہ کے لئے ’آتم نربھر’ مہم کا زیادہ سے زیادہ فائدہ اٹھائیں۔ انہوں نے اس طرف بھی دھیان دلایا کہ کووڈ-19 وبا نے لوگوں کو صحت کے تئیں زیادہ محتاط رہنے کی بھی نصیحت دی ہے۔