ہوم » نیوز » شمالی ہندوستان

مغربی بنگال : بی جے پی کی ریلی میں امت شاہ نے کہا : ممتا جی الیکشن آتے آتے تنہا کھڑی رہ جائیں گی

West Bengal Assembly Election 2021 : ہاوڑا میں ورچوئلی ریلی کو خطاب کرتے ہوئے امت شاہ نے کہا کہ 10 سال پہلے لیفٹ کو ہراتے ہوئے ترنمول کانگریس نے حکومت بنائی تھی ۔ ممتا بنرجی نے تبدیلی کا وعدہ کرتے ہوئے ماں ، ماٹی اور مانش کا نعرہ دیا تھا ، لیکن آج ان کی پارٹی کے لوگ انہیں چھوڑ ررہے ہیں ۔ ان کے نعرے کا کیا ہوا ۔

  • Share this:
مغربی بنگال : بی جے پی کی ریلی میں امت شاہ نے کہا : ممتا جی الیکشن آتے آتے تنہا کھڑی رہ جائیں گی
مغربی بنگال : بی جے پی کی ریلی میں امت شاہ نے کہا : ممتا جی الیکشن آتے آتے تنہا کھڑی رہ جائیں گی

مغربی بنگال میں اس سال ہونے والے اسمبلی انتخابات کی تیاری میں زور و شور سے مصروف بی جے پی نے اتوار کو ہاوڑہ میں بڑی ریلی کی ۔ اس ریلی میں وزیر داخلہ امت شاہ نے مغربی بنگال کی وزیراعلی ممتا بنرجی پر جم کر نشانہ سادھا ۔ ہاوڑا میں ورچوئلی ریلی کو خطاب کرتے ہوئے امت شاہ نے کہا کہ 10 سال پہلے لیفٹ کو ہراتے ہوئے ترنمول کانگریس نے حکومت بنائی تھی ۔ ممتا بنرجی نے تبدیلی کا وعدہ کرتے ہوئے ماں ، ماٹی اور مانش کا نعرہ دیا تھا ، لیکن آج ان کی پارٹی کے لوگ انہیں چھوڑ ررہے ہیں ۔ ان کے نعرے کا کیا ہوا ۔ امت شاہ نے یہ بھی کہا کہ ممتا جی الیکشن آتے آتے تنہا کھڑی رہ جائیں گی ۔ بتادیں کہ اس سال مغربی بنگال میں اسمبلی انتخابات ہونے والے ہیں ۔ شاہ کو مغربی بنگال کے دورہ پر جانا تھا ، لیکن اچانک ان کا دورہ رد ہوگیا ۔ لہذا انہوں نے دہلی سے ہی ریلی کو خطاب کیا ۔


امت شاہ نے یہ بھی الزام لگایا کہ ممتا بنرجی مرکزی حکومت کی اسکیموں کو نافذ نہیں کررہی ہیں ۔ انہوں نے کہا کہ دیدی بنگال کے عوام کو آیوشمان بھارت اسکیم کا فائدہ نہیں ملنے دے رہی ہیں ۔ کیونکہ یہ اسکیم مودی جی نے شروع کی ۔ میں مغربی بنگال کے عوام کو یقین دلاتا ہوں کہ بی جے پی حکومت آنے کے بعد ہم پہلی کابینہ میں تجویز پیش کریں گے کہ ریاست میں یہ اسکیم نافذ ہو ۔




امت شاہ نے یہ بھی الزام لگایا کہ ممتا بنرجی کی پالیسیوں کی وجہ سے مغربی بنگال کے کسانوں کو نقصان ہورہا ہے ۔ انہوں نے کہا کہ ممتا دیدی نے گزشتہ دنوں ایک کاغذ بھیجا ہے کہ ہم کسان سمان ندھی یوجنا لاگو کرنے سے متفق ہیں ، دیدی آپ کس کو بے وقوف بنارہی ہو ، صرف کاغذ بھیجا ہے ، اس کے ساتھ کسانوں کی فہرست چاہئے ، بینک کھاتے کا نمبر چاہئے ، آپ نے یہ کچھ نہیں بھیجا ہے ۔

امت شاہ نے مزید کہا کہ ممتا دیدی کی سرکار نے بنگال کی زمین کو خون آلود کیا ہے ۔ دیدی نے دراندازوں کو بنگال میں داخل ہونے کی چھوٹ دے رکھی ہے ۔ دراندازوں کو صرف نریندر مودی جی کی قیادت میں بننے والی بی جے پی سرکار ہی روک سکتی ہے ۔
Published by: Imtiyaz Saqibe
First published: Jan 31, 2021 03:25 PM IST