ہوم » نیوز » مغربی ہندوستان

راجستھان: مذہبی رسم میں جبراََ شامل ہونے پر پولیس نے 6 افراد کو کیا گرفتار

راجستھان میں ضلع اجمیر کے سرواڑ قصبے میں خواجہ فخرالدین حسن چشتی سرواڑی کے سالانہ عرس میں مذہبی رسم کے دوران جبراََ پہنچنے پر پولیس نے چھ افراد کو گرفتار کیا ہے۔

  • UNI
  • Last Updated: Apr 01, 2020 02:46 PM IST
  • Share this:
راجستھان: مذہبی رسم میں جبراََ شامل ہونے پر پولیس نے 6 افراد کو کیا گرفتار
اجمیر درگاہ کی فائل فوٹو

اجمیر۔ راجستھان میں ضلع اجمیر کے سرواڑ قصبے میں خواجہ فخرالدین حسن چشتی سرواڑی کے سالانہ عرس میں مذہبی رسم کے دوران جبراََ پہنچنے پر پولیس نے چھ افراد کو گرفتار کیا ہے۔ ذرائع نے آج بتایا کہ اجمیر درگاہ شریف انجمن کمیٹی کی جانب سے گزشتہ روز حسب ِ روایت چادر پیش کی گئی جس کے لئے صرف 10 لوگوں کو انتظامیہ کی منظوری ملی تھی، لیکن چادر کی رسم کے موقع پر 60 سے زائد افراد کا گروپ اس مذہبی پروگرام میں حصہ لینے پہنچ گیا ۔ اس پر درگاہ کمیٹی کی اطلاع پر سرواڑ تھانہ افسر مایا جاپتے وہاں پہنچے اور دفعہ 144 کا حوالہ دیتے ہوئے انہیں سمجھایا ۔


ذرائع نے بتایا کہ ان میں سے چھ افراد جمال الدین، محی الدين، محمد میراج، بسنت کشواہا، اظہر الدین اور نواب قریشی نہیں مانے تو انہیں گرفتار کر لیا گیا ۔واضح ر ہے کہ سرواڑ شریف میں چل رہے سالانہ عرس کے موقع پر چنیدہ پاس شدہ لوگوں کے ذریعے مذہبی رسوم ادا کرائی جا رہی ہے اور کسی بھی بیرونی شخص کو درگاہ میں داخل ہونے کی اجازت نہیں ہے ۔ عرس آج دوپہر ایک بجے قل کی رسم کے ساتھ اختتام پذیر ہو جائے گا۔

First published: Apr 01, 2020 02:46 PM IST
corona virus btn
corona virus btn
Loading