ہوم » نیوز » امراوتی

براہموس یونٹ میں کام کرنے والا مبینہ آئی ایس آئی ایجنٹ نشانت اگروال گرفتار، پاکستان کوفراہم کیں کئی اطلاعات

نوجوان سائنسداں ایوارڈ یافتہ نشانت اگروال پربراہموس سے متعلق تکنیکی اوردیگرخفیہ اطلاعات پاکستان اورامریکہ کوفراہم کرنے کا الزام لگا ہے۔

  • Share this:
براہموس یونٹ میں کام کرنے والا مبینہ آئی ایس آئی ایجنٹ نشانت اگروال گرفتار، پاکستان کوفراہم کیں کئی اطلاعات
براہموس یونٹ میں کام کرنے والے مبینہ آئی ایس آئی ایجنٹ نشانت اگروال کو نوجوان سائنسداں ایوارڈ بھی مل چکا ہے

ناگپورسے ایک مبینہ آئی ایس آئی ایجنٹ کو گرفتارکیا گیا ہے۔ نشانت اگروال نام کا یہ شخص براہموس کی ناگپوریونٹ میں کام کررہا تھا۔ الزام ہے کہ براہموس میزائل یونٹ میں کام کرتے ہوئے اس نے براہموس سے متعلق تکنیکی اوردیگرخفیہ اطلاعات پاکستان اورامریکہ کوفراہم کی ہیں۔


فی الحال نشانت اگروال نامی اس شخص سے پوچھ گچھ کی جارہی ہے۔ اس کے ساتھ ہی اس کے بارے میں مزید اطلاعات جمع کی جارہی ہیں۔ یہ بھی پتہ لگانے کی کوشش کی جارہی ہے کہ اس نے کیا کیا اطلاعات لیک کی ہیں۔


مبینہ آئی ایس آئی ایجنٹ کو اترپردیش اے ٹی ایس اوردیگرخفیہ افسران کی مشترکہ کارروائی میں گرفتارکیا گیا ہے۔ بتایا جارہا ہے کہ اسے آفیشیل سیکریٹ ایکٹ (سرکاری خفیہ ایکٹ) کے تحت گرفتارکیا گیا ہے۔ خاص بات یہ ہے کہ اسے 18-2017 کا "ینگ سائنٹسٹ ایوارڈ" (نوجوان سائنسداں ایوارڈ) بھی مل چکا ہے۔


ذرائع سے ملی اطلاعات کے مطابق اتوار شب سے ہی ایک ٹیم اس شخص کو ٹریک کرنے کی کوشش میں مصروف ہوئی تھی۔ پیر کو آخرکاراسے پکڑ لیا گیا۔ براہموس ایئرواسپیس ہندوستان اورروس کا مشترکہ منصوبہ ہے۔

یہ بھی پڑھیں:     پاکستان کے لئے جاسوسی کر رہا 'ایجنٹ'، گرفتارفیس بک سے ہوئی تھی بھرتی
First published: Oct 08, 2018 03:14 PM IST
corona virus btn
corona virus btn
Loading