مغربی بنگال میں ہم جماعت ساتھیوں نے نابالغ لڑکی کی شادی روک دی، ہیڈ ماسٹرنےیوں کی تعریف

دوست درحقیقت دوست ہوتا ہے، ان دوستوں میں بھی بہت سے دوست زندگی کے ہر لمحوں میں ساتھ دیتے ہیں اور کئی تو صرف دوست برائے دوست ہوتے ہیں لیکن اس دوست کا احسان ہمیشہ یاد رہتا ہے، جو کہ کسی مشکل وقت میں کام آتا ہے۔ مغربی بنگال کے مغربی ضلع مدنا پور میں ایک نابالغ طالب علم کو ہفتے کے روز اس کا احساس ہوا، جب اس کے ہم جماعتوں نے اسے اس کی مرضی کے خلاف شادی کرنے سے روکنے کے لیے مداخلت کی۔

گولار کے گولار سشیلا ہائی اسکول (Golar Sushila High School) کے نویں جماعت کے طلبہ نے دیکھا کہ ان کا ہم جماعت طالب علم پچھلے ایک ہفتے سے اسکول نہیں جا رہا ہے۔ ایک بار جب انہیں پتہ چلا کہ اس کی شادی طے ہو گئی ہے، تو کئی طلبہ اس کے گھر پہنچ گئے اور اسے اسکول واپس آنے کی اجازت دینے کا مطالبہ کیا۔ پریشانی کو محسوس کرتے ہوئے لڑکی کے گھر والے اسے چپکے سے پچھلے دروازے سے دولہے کے گھر لے گئے۔

جب طلبہ کو اس بات کا علم ہوا تو وہ دولہے کے گھر گئے اور غیر معینہ مدت کے لیے احتجاج کرنے کی دھمکی دی۔ پریشانی سے بچنے کے لیے دولہے کے اہل خانہ نے اسے مشتعل طلبہ کے حوالے کر دیا، جو لڑکی کو واپس اپنے اسکول لے گئے۔ اسکول کے ہیڈ ماسٹر سریش چندر پاڈیا (Suresh Chandra Padia) نے طالب علموں کی تعریف کی اور کہا کہ شادی صرف ان کے عزم کی وجہ سے ٹال گئی۔

یہ بھی پڑھیں: 

• ڈائریکٹر نے کی ’ایکسپوز‘ کرنے کی ڈیمانڈ،پرینکا چوپڑا نے فلم کو ٹھکرایا دیا!جانیے پورا قصہ


• ایلون مسک ڈھونڈ رہے ہیں ٹوئٹر کا نیا سی ای او! اب بلو ٹک سبسکرائبرس ہی کرپائیں گے ووٹ


• بنا میک اپ لُک ویڈیو کو لے کر بری طرح ٹرول ہوئیں انوشکا شرما، یوزر نے کہا-’بڑھاپا آگیا‘


• سنی لیونی کی فلم’OMG‘کی سامنے آئی ریلیز ڈیٹ،فلمی پردے پر نظر آئے گا اداکارہ کاکوئن اوتار

کیش پور بلاک کے بلاک ڈیولپمنٹ آفیسر دیپک کمار گھوش (Dipak Kumar Ghosh) نے کہا کہ اس کے خاندان نے وعدہ کیا ہے کہ وہ 18 سال کی ہونے سے پہلے اس سے شادی نہیں کریں گے۔

لڑکی کے پڑوسیوں نے بتایا کہ اس کے خاندان نے مالی پریشانیوں کی وجہ سے اس کی جلد شادی کرنے کا فیصلہ کیا۔