احمد پٹیل کا انتقال، سونیا گاندھی نے کہا۔ ایک ایسا ساتھی کھو دیا جس کا کوئی بدل نہیں، راہل نے کہا سچا مشیر کھو دیا

نئی دہلی۔ کانگریس کے سینئر رہنما احمد پٹیل کا آج صبح انتقال ہو گیا۔ کورونا پازیٹیو پائے جانے کے بعد احمد پٹیل کو گرو گرام کے میدانتا اسپتال میں بھرتی کرایا گیا تھا۔ احمد پٹیل کے بیٹے فیصل نے یہ اطلاع دیتے ہوئے بتایا کہ ان کے والد کا انتقال آج صبح ساڑھے تین بجے ہوا۔ فیصل نے بتایا کہ ان کے والد ایک ماہ پہلے کورونا پازیٹیو پائے گئے تھے۔ انہوں نے لوگوں سے کورونا سے تحفظ کی ہدایات پر عمل کرنے کی اپیل کی ہے تاکہ کسی کو ان کی طرح دکھ نہ سہنا پڑے۔

کانگریس صدر سونیا گاندھی نے احمد پٹیل کی وفات پر اپنے رنج وغم کا اظہار کرتےہوئے کہا کہ ’’احمد پٹیل کے انتقال سے انہوں نے ایک ایسا ساتھی کھو دیا ہے جس کی پوری زندگی کانگریس پارٹی کے لئے وقف تھی۔ ان کی وفاداری، مدد کے لئے ہمیشہ تیار رہنا اور سخاوت ان کی کچھ ایسی خوبیاں تھیں جو ان کو دوسروں سے جدا کرتی تھیں۔ میں نے ایک ایسا کامریڈ ،دوست اور وفادار ساتھی کھو دیا ہے جس کاکوئی بدل نہیں ہے۔ میں دکھ کی اس گھڑی میں مرحوم کے اہل خانہ کےساتھ ہوں اور ہر ممکن مدد کے لئے حاضر ہوں''۔

Congress President Smt Sonia Gandhi’s condolence message on the demise of Shri Ahmed Patel. pic.twitter.com/JiOwjr3j1n

— Congress (@INCIndia) November 25, 2020

وزیر اعظم مودی کا اظہار تعزیت

وزیراعظم نریندر مودی نے کانگریس کے سینئر رہنما احمد پٹیل کے انتقال پر تعزیت کا اظہار کیا ہے۔ نریندر مودی نے ایک ٹویٹ میں کہا ’’احمد پٹیل جی کے انتقال سے دکھی ہوں۔ انہوں نے عوامی زندگی میں طویل وقت تک سماج کی خدمت کی ہے۔ اپنے تیز دماغ کے لئے جانے جانے والوں میں احمد پٹیل کا کانگریس پارٹی کو مضبوط کرنے میں تعاون ہمیشہ یاد کیا جائے گا۔
ان کے بیٹے فیصل سے بات کرکے اپنی تعزیت کا اظہار کیا ہے۔ بھگوان سے دعا ہے کہ احمد بھائی کی روح کو سکون پہنچے''۔

Saddened by the demise of Ahmed Patel Ji. He spent years in public life, serving society. Known for his sharp mind, his role in strengthening the Congress Party would always be remembered. Spoke to his son Faisal and expressed condolences. May Ahmed Bhai’s soul rest in peace.

— Narendra Modi (@narendramodi) November 25, 2020

راہل نے کہا۔ سچا مشیر کھو دیا

وہیں، کانگریس کے سابق صدر راہل گاندھی نے احمد پٹیل کے انتقال پر دکھ کا اظہار کرتے ہوئے کہا کہ پارٹی نے اپنا ایک ستون کھو دیا ہے۔ راہل گاندھی نے احمد پٹیل کے انتقال پر تعزیت کا اظہار کرتے ہوئے کہا،’’یہ دکھ بھرا دن ہے۔ احمد پٹیل کانگریس پارٹی کے ستون تھے۔ انہوں نے کانگریس میں ہی سانس لی، کانگریس کے لئے یہ جئے اور بحران کے دور میں پارٹی کے ساتھ کھڑے رہے۔ وہ پارٹی کا اثاثہ تھے۔ ہم ان کو ہمیشہ یاد کریں گے۔ متاثرہ کنبے کے تئیں میری تعزیت۔‘‘

It is a sad day. Shri Ahmed Patel was a pillar of the Congress party. He lived and breathed Congress and stood with the party through its most difficult times. He was a tremendous asset.

We will miss him. My love and condolences to Faisal, Mumtaz & the family. pic.twitter.com/sZaOXOIMEX

— Rahul Gandhi (@RahulGandhi) November 25, 2020

دوسری طرف، کانگریس جنرل سکریٹری پرینکا گاندھی واڈرا نے بھی ان کے انتقال پر گہری تعزیت کا اظہار کرتے  ہوئے کہا، ’’احمد جی بے حد سمجھدار اور تجربہ کار رہنما تھے۔ میں ان سے ہمیشہ غور و خوض کرتی اور ان کی صلاح لیا کرتی تھی۔ وہ ہمارے سچے دوست تھے۔ ان کے انتقال سے کانگریس کو گہرا نقصان ہوا ہے۔ بھگوان ان کی روح کو سکون دے۔‘‘

Ahmed ji was not only a wise and experienced colleague to whom I constantly turned for advice and counsel, he was a friend who stood by us all, steadfast, loyal, and dependable to the end.
His passing away leaves an immense void. May his soul rest in peace.

— Priyanka Gandhi Vadra (@priyankagandhi) November 25, 2020

کانگریس مواصلاتی محکمے کے سربراہ رندیپ سنگھ سرجے والا نے کہا،’’الفاظ نہیں ہیں۔ ہر چھوٹا بڑا، دوست ،ساتھ ،مخالف بھی ایک ہی نام سے احترام دیتا تھا ’احمد بھائی‘۔ وہ جنہوں نے ہمیشہ سچائی اور فرض نبھایا ،وہ جنہوں نے ہمیشہ پارٹی کو ہی خاندان مانا ،وہ جنہوں نے ہمیشہ سیاسی لکیریں مٹا کر پارٹیوں پر چھاپ چھوڑی، اب بھی یقین نہیں آتا۔۔۔الوداع ،احمد جی۔‘‘

یو این آئی، اردو کے ان پٹ کے ساتھ