ہوم » نیوز » مغربی ہندوستان

راجستھان : الور ضلع میں ہولی کھیلنے کے دوران دلت نابالغ نوجوان کا پیٹ پیٹ کر قتل

راجستھان میں الور ضلع کے بھیواڑی تھانہ علاقہ میں ایک نا بالغ دلت نوجوان کا دیگر سماج کے کچھ نوجوانوں نے پیٹ پیٹ کر قتل کردیا ۔

  • Share this:
  • author image
    NEWS18-Urdu
راجستھان : الور ضلع میں ہولی کھیلنے کے دوران دلت نابالغ نوجوان کا پیٹ پیٹ کر قتل
راجستھان میں الور ضلع کے بھیواڑی تھانہ علاقہ میں ایک نا بالغ دلت نوجوان کا دیگر سماج کے کچھ نوجوانوں نے پیٹ پیٹ کر قتل کردیا ۔

الور : راجستھان میں الور ضلع کے بھیواڑی تھانہ علاقہ میں ایک نا بالغ دلت نوجوان کا دیگر سماج کے کچھ نوجوانوں نے پیٹ پیٹ کر قتل کردیا ۔ ایڈیشنل پولیس انسپکٹر ( بھیواڑی ) پشپیندر سولنکی کے مطابق نیرو جاٹو ( 16) کچھ دیگر سماج کے نوجوانوں کے ساتھ ہولی کھیل رہا تھا، اسی دوران نیرج کا کچھ نوجوانوں کے ساتھ تنازع ہوگیا ، جس کے بعد نوجوانوں نے پیٹ پیٹ کر اس کو بری طرح سے زخمی کردیا اور پھر اس کی موت ہوگئی ۔

انہوں نے بتایا کہ ابتدائی جانچ میں مقتول کے جسم پر کسی دھار دار ہتھیار سے چوٹ کے نشان نہیں پائے گئے ہیں ۔ پولیس ذرائع کے مطابق اس وقعہ کے بعد مشتعل اہل خانہ نے اسپتال اور پولیس کی گاڑی پر پتھراو کیا اور توڑ پھوڑ کی ۔ ناراض اہل خانہ اور مقامی لوگوں نے قومی شاہراہ پر بھی جام لگایا ۔

اس سلسلہ میں اہل خانہ نے تین لوگوں پر قتل کرنے کا الزام لگایا ہے ۔ تاہم ابھی تک نہ تو مقتول کا پوسٹ مارٹم کیا گیا ہے اور نہ ہی کوئی ایف آئی آر درج کی گئی ہے ۔ پولیس معاملہ کی جانچ کررہی ہے۔

First published: Mar 03, 2018 10:02 AM IST
corona virus btn
corona virus btn
Loading