مہاراشٹر میں بارش کا قہر، رتناگری میں ڈیم ٹوٹنے سے 6 لوگوں کی موت، 20 سے زیادہ لاپتہ

مہاراشٹر کے کئی حصوں میں ہو رہی مسلسل بارش اب جان لیوا ہوتی جا رہی ہے۔ رتناگری کے آس پاس کے علاقوں میں مسلسل بارش کے مدنظر اب وہاں موجود تیورے ڈیم ٹوٹ گیا ہے۔ ڈیم ٹوٹنے کی وجہ سے 7 گاؤوں میں سیلاب کی صورت حال ہے۔

بتایا جا رہا ہے کہ حادثہ میں 6 لوگوں کی موت ہو گئی ہے جبکہ  20 سے زیادہ لوگ لاپتہ بتائے جا رہے ہیں۔ حادثہ منگل کی دیر رات ہوا جس کے بعد اچانک کئی گاؤوں میں سیلاب آ گیا۔ حالات اتنے خراب ہو گئے کہ لوگوں کو خود کو بچانے کا وقت بھی نہیں ملا اور کچھ لوگ تو نیند میں ہی بہہ گئے۔

انتظامیہ کے مطابق، ہلاک شدگان کی تعداد میں اضافہ ہو سکتا ہے۔ بتایا جا رہا ہے کہ 20 سے زیادہ لوگ لاپتہ ہیں اور ڈیم سے نکلے کیچڑ اور ملبے میں ان کے دبے ہونے کا اندیشہ ہے۔ اگر ایسا ہوتا ہے تو ملبے میں ان کے بچنے کے امکانات کافی کم ہوں گے۔ اس کے مدنظر ہلاک شدگان کی تعداد میں اضافہ ہونے کا اندیشہ ہے۔

Maharashtra: Bodies of 2 persons have been recovered by civil administration after Tiware dam in Ratnagiri was breached. About 22-24 people are missing. 12 houses near the dam have been washed away. Civil administration, police and volunteers are present at the spot. pic.twitter.com/JN6VQYmsEL

— ANI (@ANI) July 3, 2019

مسلسل ہو رہی ہے بارش

رتناگری اور اس کے قرب وجوار میں ہو رہی مسلسل بارش سے تیورے ڈیم کی آبی سطح اچانک بڑھ گئی ہے۔ بتایا جا رہا ہے کہ پچھلے 72 گھنٹوں سے ڈیم کے کیچمینٹ ایریا میں تیز بارش ہو رہی ہے جس کے مدنظر ڈیم تک پانی لانے والی ندی اور نالے طغیانی پر ہیں۔

Maharashtra: Tiware dam in Ratnagiri was breached causing flood like situation in 7 downstream villages. About 23 people from near the dam are missing. NDRF teams have been rushed to the spot. More details awaited.

— ANI (@ANI) July 3, 2019