سیرم انسٹی ٹیوٹ کے ایک کمپارٹمنٹ میں پھر سے لگی آگ ، فائر بریگیڈ کے اہلکار جائے واقعہ پر موجود

کورونا وائرس کی ویکسین کووی شیلڈ بنا رہے مہاراشٹر کے پونے میں واقع سیرم انسٹی ٹیوٹ کی عمارت کے ایک کمپارٹمنٹ میں ایک مرتبہ پھر آگ لگ گئی ہے ۔ فائر بریگیڈ کے اہلکار جائے واقع پر آگ بجھانے کے کام میں لگے ہوئے ہیں ۔ اس سے پہلے سیرم انسٹی ٹیوٹ کے ٹرمنل ایک گیٹ کے پاس جمعرات کو دوپہر بھیانک آگ لگ گئی ۔ سیرم انسٹی ٹویٹ کے منجری پلانٹ میں لگی آگ پر تقریبا دو گھنٹے کی مشقت کے بعد قابو پالیا گیا ہے ۔ اس حادثہ میں اب تک پانچ لوگوں کی موت کی خبر ہے ۔ اب تک ملی جانکاری کے مطابق آگ سیرم انسٹی ٹویٹ کے ٹرمنل گیٹ ایک ۔۔۔۔ بلڈ میں چوتھے اور پانچویں فلور تک پھیل گئی تھی ۔ پولیس اور مقامی انتظامیہ کے افسران بھی جائے واقعہ پر پہنچے اور راحت و بچاو کام شروع کیا ۔ اس کے ستھ ہی این ڈی آر ایف کی ایک ٹیم کو بھی راحت اور بچاو کے کاموں کیلئے سیرم انسٹی ٹیوٹ روانہ کیا گیا ہے ۔

Maharashtra: Fire breaks out again in one compartment of the same building at Serum Institute of India (SII), in Pune. Fire fighting operation is underway. More details awaited.

Fire had broken out at Manjri Plant of SII today afternoon and claimed five lives. pic.twitter.com/6MKDWiCxZt

— ANI (@ANI) January 21, 2021

پونے کے میئر مرلی دھر موہول نے کہا کہ چار لوگوں کو عمارت سے محفوظ نکال لیا گیا تھا ، لیکن جب آگ پر قابو پایا گیا تب ہمارے جوانون کو پانچ لوگوں کی لاشیں ملیں ۔ میئر نے کہا کہ پانچ لوگ جن کی موت ہوئی ہے وہ زیر تعمیر عمارت میں کام کرنے والے ملازم ہوسکتے ہیں ۔ آگ لگنے کی وجوہات کا اب تک پتہ نہیں چل سکا ہے ۔ حالانکہ ایسا لگتا ہے کہ عمارت میں جاری ویلڈنگ کا کام اس کی وجہ ہوسکتا ہے ۔

Fire breaks out at Serum Institute in Pune, 10 fire tenders rushed to spot

Read @ANI Story | https://t.co/2hSAeYYSrm pic.twitter.com/HwU7IcsoNL

— ANI Digital (@ani_digital) January 21, 2021

ادھر وزیر اعلی ادھو ٹھاکرے نے کہا کہ ہمیں جو جانکاری ملی ہے ، اس کے مطابق آگ پر قابو پالیا گیا ہے ۔ آگ کورونا ویکسین کی یونٹ میں نہیں لگی تھی ۔ ٹھاکرے نے کہا کہ چھ لوگوں کو جائے واقعہ سے بچالیا گیا ہے ۔ ابتدائی طور پر ایسا معلوم پڑتا ہے کہ آگ کسی بجلی کی گڑبڑی کی وجہ سے لگی ۔ کورونا ٹیکے محفوظ ہیں ۔ ٹھاکرے نے کہا کہ انہوں نے ابھی سیرم انسٹی ٹیوٹ کے مالک اور سی ای او ادار پونے والا سے بات چیت نہیں کی ہے ۔

Six people have been rescued (from fire). Prima facie it seems that the fire was caused by an electric fault. The COVID vaccine is safe. I have not spoken to Adar Poonawalla till now: Maharashtra CM Uddhav Thackeray https://t.co/UcoW67qqsU

— ANI (@ANI) January 21, 2021

رپورٹس میں اس بات کی جانکاری ملی ہے کہ آگ سیرم انسٹی ٹیوٹ کے ایک پروڈکشن پلانٹ میں لگی تھی ۔ یہ پلانٹ کووی شیلڈ بنانے کی یونٹ کے پاس ہی واقع ہے ۔ دنیا کی سب سے بڑی دوا ساز کمپنی سے وابستہ ایک ذرائع نے جانکاری دی کہ آگ سیرم انسٹی ٹویٹ کیلئے بنائے گئے منجری نام کے پلانٹ میں لگی ہے ، لیکن اس سے کورونا وائرس کی ویکسین بنانے کا کام متاثر نہیں ہوگا ۔

پونے کے پولیس کمشنر نے کہا کہ آگ سیرم انسٹی ٹیوٹ کے منجری پلانٹ میں لگی ۔ وہاں پر تعمیراتی کام نہیں ہورہا تھا ، لیکن تعمیراتی کام شروع کرنے کی تیاری چل رہی تھی ۔ انہوں نے بتایا کہ ویکسین پلانٹ اور اسٹوریج کو کوئی نقصان نہیں پہنچا ہے ۔