ہوم » نیوز » مغربی ہندوستان

جیسلمیر میں رانی کھیت ایکسپریس کے دس ڈبے پٹری سے اترے، بال بال بچے 150 مسافر

جے پور۔ راجستھان کے جیسلمیر ضلع میں جمعہ کی دیر رات رانی کھیت ایکسپریس کے دس ڈبے پٹری سے اتر گئے۔

  • Share this:
  • author image
    NEWS18-Urdu
جیسلمیر میں رانی کھیت ایکسپریس کے دس ڈبے پٹری سے اترے، بال بال بچے 150 مسافر
جے پور۔ راجستھان کے جیسلمیر ضلع میں جمعہ کی دیر رات رانی کھیت ایکسپریس کے دس ڈبے پٹری سے اتر گئے۔

جے پور۔ راجستھان کے جیسلمیر ضلع میں جمعہ  کی دیر رات رانی کھیت ایکسپریس کے دس ڈبے پٹری سے اتر گئے۔ یہ حادثہ میرا-جیسلمیر کے درمیان ہوا ہے۔ ٹرین كاٹھ گودام سے روانہ ہو کر جیسلمیر آ رہی تھی۔


معلومات کے مطابق، یہ حادثہ رات 11 بجے کے قریب ہوا اور ابھی تک اس میں کسی جانی نقصان کی کوئی خبر نہیں ہے۔ حادثے کے فورا بعد ریلوے انتظامیہ نے فوری طور پر جودھپور سے ڈیزاسٹر ریلیف ٹرین حادثے کے لئے روانہ کر دی۔ رات قریب 2 بجے ریلوے نے جیسلمیر سے دوسری ٹرین کا اہتمام کیا اور مسافروں کو جیسلمیر پہنچایا گیا۔


ٹرین میں تقریبا 150 مسافر سوار


بتایا جا رہا ہے کہ حادثے کے وقت ٹرین میں تقریبا 150 مسافر سوار تھے۔ ٹرین کے ڈبے صرف پٹری سے اترے ہیں۔ اس سے بڑا حادثہ ہونے سے ٹل گیا۔ تاہم، اس دوران ٹرین کے پہیے نکل گئے اور پٹری بھی تباہ وبرباد ہو گئی۔


شمال مغربی ریلوے کے افسر تعلقات عامہ گوپال شرما کے مطابق حادثے میں کسی جانی نقصان کی خبر نہیں ہے۔ ریلوے حکام کا کہنا ہے کہ حادثے کی وجہ سے ہفتہ کو اس راستے پر ریلوے ٹریفک متاثر رہے گا۔

First published: Jan 21, 2017 08:41 AM IST