ہوم » نیوز » مغربی ہندوستان

چاقو سے حملہ کرکے خاتون ٹیچر کا قتل، پولیس کو شوہر کی تلاش

واردات کے بعد پولیس خاتون کے شوہرکی تلاش میں مصروف ہوگئی ہے، کیونکہ پولیس میں اس کے خلاف پہلے ہی شکایت کی گئی تھی۔

  • Share this:
چاقو سے حملہ کرکے خاتون ٹیچر کا قتل، پولیس کو شوہر کی تلاش
اٹاوہ پولیس اسٹیشن۔

کوٹا ضلع کے اٹاوہ قصبہ میں دن دہاڑے ایک شخص نے چاقو سے گلا ریت کر خاتون ٹیچر کا قتل کردیا۔ ملزم نے ٹیچرپرچاقو سے کئی حملے کئے اورپھرفرارہوگیا۔ خاتون ٹیچر کے قتل کے پیچھے پولیس نے اس کے شوہرپرشک ظاہرکیا ہے۔ واردات کے بعد پولیس خاتون کے شوہرکی تلاش میں مصروف ہوگئی ہے۔


پولیس نے معاملے کی تفصیلات دیتے ہوئے بتایا کہ کچھ دن پہلے ٹیچرراج کنورناگرنے اٹاوا تھانے میں اپنے شوہرپرشک کرنے اورپریشان کرکے مارپیٹ کرنے کی رپورٹ دی تھی، جس کے بعد دو دن پہلے پولیس نے شوہرکوگرفتارکرلیا تھا۔


پولیس نے بتایا کہ حملہ آورنے حادثہ کو قصبے کے ایک پرائیویٹ اسکول  کے سامنے انجام دیا۔ مردہ ٹیچرراج کنورناگر اپنے بچے کی ٹرانسفرسرٹیفکیٹ (ٹی سی) لینے کے لئے اسکول گئی ہوئی تھی۔ اسی دوران ملزم نے ٹیچرپر چاقو سے حملہ کرکے قتل کردیا۔


بتایا جارہا ہے کہ ملزم نے ٹیچراوراس کے ساتھ آئے ایک اسکولی طالب علم کی آنکھوں میں مرچی ڈالی پھراس کے بعد ٹیچرپرچاقو سے حملہ کرکے اس کا گلا ریت کرقتل کردیا۔ اس کے بعد خاتون کے جسم پرکئی جگہ چاقومارکرفرارہوگیا۔

واقعہ کے بعد قصبے میں سنسنی پھیل گئی۔ ہلاک ہونے والی ٹیچرریاستی سینئر سیکنڈری اسکول میں لیکچرر کے عہدے پر گزشتہ دو سال سے خدمات انجام دے رہی تھی۔ پولیس نے واقعہ کے بعد الگ الگ ٹیمیں تشکیل کرکے ملزم کی تلاش شروع کردی ہے۔
First published: Sep 18, 2018 05:50 PM IST
corona virus btn
corona virus btn
Loading