مہاراشٹر میں بھارتیہ جنتا پارٹی کے ایم ایل اے وجے کمار دیش مکھ کو مبینہ طور پر 'ان کا سر تن سے جدا کرنے' کی دھمکی دی گئی ہے۔ بتایا جا رہا ہے کہ پی ایف آئی PFI کے ایک لیڈر نے ایم ایل اے کو ہاتھ سے خط لکھ کر جان سے مارنے کی دھمکی دی ہے۔ اتنا ہی نہیں اس خط میں ایودھیا اور متھرا کو بھی بم سے اڑانے کی دھمکی دی گئی ہے۔ بتا دیں کہ گزشتہ دنوں ی ایف آئی یعنی پاپولر فرنٹ آف انڈیا پر مرکزی حکومت نے دہشت گردی سے تعلق کی وجہ سے پانچ سال کے لیے پابندی لگا دی تھی اور چھاپے مار کر اس کے سینکڑوں کیڈروں کو گرفتار کیا تھا۔

ٹائمس ناؤ کی خبر کے مطابق، بی جے پی ایم ایل اے وجے کمار دیش مکھ نے اس دھمکی آمیز خط کو لے کر پولیس میں ایف آئی آر درج کرائی ہے۔ ایف آئی آر کے مطابق ایم ایل اے وجے کمار دیش مکھ نے پی ایف آئی کے مبینہ لیڈر محمد شفیع بیراجدار کے خلاف پولیس کیس درج کرایا ہے جس میں دعویٰ کیا گیا ہے کہ پی ایف آئی پر حکومت کی پابندی سے ناراض ہو کر پی ایف آئی لیڈر نے ان کا سر قلم کرنے کی دھمکی دی۔

ناسک میں بھیانک حادثہ، بس میں آگ لگنے سے کم از کم 10لوگوں کی موت

بی جے پی ایم ایل اے نے اپنی شکایت میں دعویٰ کیا کہ پی ایف آئی ممبر نے مبینہ طور پر ایودھیا رام مندر اور کرشنا جنم بھومی مندر جیسے بڑے ہندو مندروں کو خودکش بمباروں کے ذریعہ نشانہ بنانے کی دھمکی دی ہے ۔ ملزم نے یہ بھی کہا کہ وزیر اعظم نریندر مودی اور کئی دوسرے لیڈران ان کے ریڈار پر ہیں۔ ساتھ ہی اس خط میں دعویٰ کیا گیا ہے کہ ایودھیا، کاشی، متھرا میں بھی دھماکے کئے جائیں گے۔