ہوم » نیوز » مغربی ہندوستان

مہاراشٹر : ہلدی پروگرام میں بیل نچاکر پیسہ اڑانا پڑا مہنگا ، دولہا اور اس کے اہل خانہ کے خلاف انتظامیہ نے کی یہ بڑی کارروائی

وارڈ افسران نے دولہا اور اس کے والد کے خلاف معاملہ درج کیا ۔ وٹھل واڑی پولیس نے اس پورے معاملہ میں شکایت درج کی اور دفعہ 188 آئی پی سی سیکشن 51 ڈیزاسٹر مینجمنٹ ایکٹ اور دفعہ 3 کے تحت مقدمہ درج کیا گیا ۔

  • Share this:
مہاراشٹر : ہلدی پروگرام میں بیل نچاکر پیسہ اڑانا پڑا مہنگا ، دولہا اور اس کے اہل خانہ کے خلاف انتظامیہ نے کی یہ بڑی کارروائی
مہاراشٹر : ہلدی پروگرام میں بیل نچاکر پیسہ اڑانا پڑا مہنگا ، دولہا اور اس کے اہل خانہ کے خلاف انتظامیہ نے کی یہ بڑی کارروائی

ممبئی : ممبئی ، کلیان ، تھانے اور ڈومبیولی میں کورونا نے اتنا قہر مچا رکھا ہے کہ مریضوں کو بیڈ یا آکسیجن دستیاب نہیں ہوپا رہا ہے ۔ اس کے باوجود  لوگ موج مستی کرتے ہوئے نظر آرہے ہیں ۔ کلیان میں ایک ہلدی پروگرام میں ایک بڑا بیل نچانے کیلئے لایا گیا اور اس کو دیکھنے کیلئے لوگوں کا ہجوم امڈ پڑا ۔


کلیان مشرق میں چیچا پاڑا نامی ایک گاؤں ہے ۔ پرکاش مہاترے یہیں رہائش پذیر ہیں ۔ ان کے بیٹے کا نام ویبھو مہاترے ہے ۔ ویبھو کا ہلدی پروگرام تھا ۔ اس موقع پرکافی لوگوں کی بھیڑ تھی ۔ کچھ  لوگ خوشی سے پروگرام میں بیل کو لے کر آ گئے اور مہمانوں کو بیل کا ناچ دکھایا ۔ لوگوں نے بیل پر خوب جم کر پیسے لٹائے ۔ ہلدی پروگرام میں پیسوں کی بارش کی گئی ۔ مہاترے نے اپنے ہلدی پروگرام میں بیل کو نچا کر پیسے لٹائے ۔ جب ہلدی پروگرام کا ویڈیو وائرل ہوا ، تو سارا معاملہ منظر عام پر آگیا ۔


سرکاری انتظامیہ ویڈیو دیکھ کر جاگ گئی ۔ وارڈ افسران نے دولہا اور اس کے والد کے خلاف معاملہ درج کیا ۔ وٹھل واڑی پولیس نے اس پورے معاملہ میں شکایت درج کی اور دفعہ 188 آئی پی سی سیکشن 51 ڈیزاسٹر مینجمنٹ ایکٹ اور دفعہ 3 کے تحت مقدمہ درج کیا گیا ۔


اس پورے پروگرام میں 30 سے ​​35 افراد موجود تھے ، لیکن کسی نے ماسک نہیں پہنا تھا اور نہ ہی سماجی فاصلہ پر عمل کیا گیا تھا ۔
Published by: Imtiyaz Saqibe
First published: Apr 18, 2021 10:49 PM IST