Maharashtra Political crisis: سنجے راوت کے بیان کے بعد پرتھوی راج چوہان نے کہا: وزیر اعلی ٹھاکرے 'یوٹرن' لیں تو حیرانی ہوگی

ممبئی : کانگریس لیڈر پرتھوی راج چوہان نے جمعرات کو کہا کہ انہیں نہیں لگتا کہ مہاراشٹر کے وزیر اعلیٰ ادھو ٹھاکرے "یو ٹرن" لیں گے اور حکمراں مہا وکاس اگھاڑی (ایم وی اے) سے باہر ہونے کے شیوسینا کے باغی ممبران اسمبلی کے مطالبہ سے اتفاق کریں گے ۔ چوہان ، شیو سینا کے ممبر پارلیمنٹ سنجے راؤت کے اس بیان پر ردعمل ظاہر کر رہے تھے، جس میں راؤت نے کہا کہ شیوسینا ایکناتھ شندے کی قیادت میں باغی ممبران اسمبلی کے ایم وی اے کو چھوڑنے کے مطالبہ پر "غور کرنے کیلئے تیار" ہے ۔

 

یہ بھی پڑھئے: ایم ایل اے ممبئی آکر وزیر اعلی سے کریں بات، ہم MVA چھوڑنے کو بھی راضی : سنجے راوت

راوت کے تبصرہ کے بارے میں پوچھے جانے پر سابق وزیر اعلیٰ چوہان نے صحافیوں کو کہا کہ "کیا شیوسینا مہاراشٹر میں بی جے پی کے ساتھ ہاتھ ملانا چاہتی ہے؟ شیوسینا کی منشا ابھی تک واضح نہیں ہے۔‘‘ انہوں نے کہا کہ ’’میں نے بدھ کی شام ادھو ٹھاکرے کو اپنے عوامی خطاب میں اس طرح کی بات کرتے نہیں سنا۔ مجھے حیرت ہوگی اگر ادھو ٹھاکرے 24 گھنٹے سے بھی کم وقت میں اس طرح پلٹ جاتے ہیں۔ مجھے نہیں لگتا کہ ٹھاکرے ایسا کریں گے۔ یہ بھی واضح نہیں ہے کہ آیا راوت کا بیان شیوسینا کے آفیشیل موقف کی عکاسی کرتا ہے ۔

 

یہ بھی پڑھئے: سنجے راوت کے بیان سے NCP ناراض، لیکن ادھو سرکار سے حمایت واپس لینے پر فیصلہ نہیں : ذرائع

کانگریس لیڈر نے کہا کہ ’’یہ بھی واضح نہیں ہے کہ شیو سینا کے کس دھڑے کو پارٹی کا مستند چہرہ سمجھا جانا چاہئے ‘‘۔ انہوں نے کہا کہ ان کی پارٹی شیوسینا کے اندرونی معاملہ پر کچھ نہیں کہے گی۔ ٹھاکرے نے بدھ کے روز ایک جذباتی اپیل کے ساتھ باغی ایم ایل ایز تک اپنے جذبات پہنچانے کی کوشش کی تھی اور وزیر اعلی کے عہدہ سے دستبردار ہونے کی پیشکش کی تھی ۔

دریں اثنا نیشنلسٹ کانگریس پارٹی (این سی پی) کے ریاستی صدر جینت پاٹل نے کہا کہ ان کی پارٹی نے راؤت کے ریمارکس پر ابھی بات نہیں کی ہے۔ انہوں نے مزید کہا کہ "لیکن ہم چاہتے ہیں کہ یہ حکومت اپنی مدت پوری کرے کیونکہ اس نے کچھ اچھے فیصلے کئے ہیں۔" ٹھاکرے حکومت میں وزیر کے عہدے پر فائز پاٹل نے کہا کہ شیوسینا چھوڑنے والے بعد میں الیکشن ہار جاتے ہیں ۔