ہوا میں اڑتے ہی ائیرایمبولینس کا پہیہ گرا ، اس طرح بچی پانچ لوگوں کی جان ، دیکھئے ویڈیو

ممبئی : مہاراشٹر کے ناگپور سے حیدرآباد جارہا آج ایک ایئر ایمبولینس ایک بڑے حادثے کا شکار ہوتے ہوتے بچ گیا ۔ دراصل جیسے ہی طیارہ نے اڑان بھری ، اس کا پہیہ الگ ہوگیا ۔ اس کے فورا بعد مکمل ایمرجنسی کا اعلان کردیا گیا اور طیارہ کو ممبئی ایئرپورٹ کیلئے موڑ دیا گیا ۔ کریش لینڈنگ کے اندیشہ کے درمیان رنوے پر فائربریگیڈ ٹیم کے سبھی اہلکار پوری طرح تیار تھے ۔ پائلٹ نے جیسے ہی طیارہ کی لینڈنگ کرائی ، اس پر فوم ڈال کر طیارہ میں آگ لگنے سے بچایا گیا ۔

طیارہ میں ایک مریض ، دو پیرامیڈیکل اسٹاف اور دو عملہ کے اراکین سوار تھے ۔ طیارہ کا پہیہ نکل گیا تھا اور اس کے پیٹ کے بل لینڈنگ کا اندیشہ تھا ۔ چھترپتی شیواجی مہاراج انٹرنیشنل ایئرپورٹ کے ترجمان نے طیارہ کے محفوظ لینڈنگ کی تصدیق کی ہے ۔

A Jet Serve Aviation C-90 aircraft VT-JIL was operating an Ambulance flight from Nagpur with patient on board. While departing, a wheel separated & fell on ground. Aircraft landed in Mumbai. Crew confirmed they did a belly landing (no landing gear taken out), foam put on runway. pic.twitter.com/euUIyfQRp5

— ANI (@ANI) May 6, 2021

رپورٹس کے مطابق یہ بات سامنے آئی ہے کہ فلائٹ نے جب ناگپور ایئرپورٹ پر ٹیک آف کی تیاری تھی ، تبھی اس کا ایک پہیہ الگ ہوکر گراونڈ پر گر گیا تھا ۔ صورتحال کی سنگینی کو دیکھتے ہوئے طیارہ میں موجود پائلٹ نے دانشمندی کا مظاہرہ کیا اور بیلی لینڈنگ کرانے کا فیصلہ کیا گیا ۔

اس حادثہ کی کچھ تصویریں بھی سامنے آئی ہیں ، جنہیں دیکھ کر سمجھا جاسکتا ہے کہ اگر بروقت بیلی لینڈنگ نہیں کروائی جاتی تو کوئی بڑا حادثہ پیش آسکتا تھا ۔