پرکاش سنگھ بادل کا آخری بار دیدار کرکے بولے جے پی نڈا- ان کی موت ایک دور کا خاتمہ، شرد پوار نے بھی پیش کیا خراج عقیدت

مکتسر: شرومنی اکالی دل (ایس اے ڈی) کے سرپرست اور پنجاب کے پانچ بار وزیر اعلیٰ رہ چکے پرکاش سنگھ بادل کی آخری رسومات جمعرات کو ادا کی جائیں گی۔ جمعرات کو پنجاب کے مکتسر کے گاؤں بادل میں لوگوں کی بڑی تعداد انہیں آخری الوداعی دینے کے لیے جمع ہوئی۔ بی جے پی کے قومی صدر جے پی نڈا، مرکزی وزیر ہردیپ سنگھ پوری، این سی پی سربراہ شرد پوار سمیت کئی رہنما گاؤں پہنچے اور انہیں خراج عقیدت پیش کیا۔

بی جے پی صدر نڈا نے پرکاش سنگھ بادل کو خراج عقیدت پیش کرنے کے بعد میڈیا سے بات چیت میں انہیں یاد کرتے ہوئے کہا کہ 'بادل صاحب آج ہمارے درمیان نہیں رہے۔ یہ پورے سماج اور پورے ملک اور اہل وطن کے لیے انتہائی افسوسناک خبر ہے۔ ان کی شخصیت ہم سب کو بہت متاثر کرتی تھی۔ بادل صاحب لیڈر نہیں بلکہ ایک اسٹیٹس مین (سیاستدان) تھے۔ سماج میں خوشی، امن، سکون اور بھائی چارے کے ساتھ رہیں… اس کے لیے انہوں نے ساری زندگی لگا دی۔

اس ملک میں 13 سال سے کمر عمر کے بچے نہیں کرپائیں گے سوشل میڈیا کا استعمال، لگنے والی ہے پابندی

کم نہیں ہورہی منیش سسودیا کی مشکلات، عدالت نے 12 مئی تک بڑھائی عدالتی حراست کی مدت

پرکاش سنگھ بادل کا جانا ایک دور کا خاتمہ ہے
اس کے ساتھ انہوں نے کہا کہ 'میرا ان سے بہت ذاتی تعلق تھا۔ میں کہہ سکتا ہوں کہ وہ مجھ سے بہت پیار کرتے تھے۔ ان کا انتقال ایک طرح سے ایک عہد کا خاتمہ ہے۔ میں بھگوان سے دعا کرتا ہوں کہ بھگوان انہیں اپنے قدموں میں جگہ دے اور اہل خانہ اور ہم سب کو یہ صدمہ برداشت کرنے کی طاقت دے۔

جے پی نڈا کے علاوہ این سی پی سربراہ شرد پوار نے بھی پرکاش سنگھ بادل کو خراج عقیدت پیش کیا۔ پوار نے پہلے ٹویٹ کیا تھا کہ 'شرومنی اکالی دل کے سرپرست اور پنجاب کے سابق وزیر اعلیٰ پرکاش سنگھ بادل جی کے انتقال کے بارے میں جان کر بہت دکھ ہوا۔ وہ ایک پرانے دوست، ساتھی، پرعزم رہنما اور قابل منتظم تھے جنہوں نے ہندوستان کے تمام کسانوں کی فلاح و بہبود کے لیے کام کیا۔

بتا دیں کہ شرومنی اکالی دل (ایس اے ڈی) کے سینئر لیڈر پرکاش سنگھ بادل کو سانس لینے میں دشواری کی وجہ سے 16 اپریل کو موہالی کے فورٹس اسپتال میں داخل کرایا گیا تھا۔ انہوں نے منگل کی رات تقریباً آٹھ بجے آخری سانس لی۔ ان کی عمر 95 برس تھی۔

مرکزی اور ریاستی حکومت نے ریاستی سوگ کا کیا اعلان
پنجاب حکومت اور چنڈی گڑھ انتظامیہ نے سابق وزیر اعلیٰ کے اعزاز میں جمعرات کو عام تعطیل کا اعلان کیا ہے۔ ایک سرکاری حکم کے مطابق، ریاست میں تمام سرکاری دفاتر، محکمے، بورڈز، کارپوریشنز اور تعلیمی ادارے جمعرات کو بند رہیں گے۔ مرکزی حکومت پہلے ہی پنجاب کے سابق وزیر اعلیٰ کے اعزاز میں 26 اور 27 اپریل کو دو روزہ سوگ کا اعلان کر چکی ہے۔

بادل پہلی بار 1970 میں پنجاب کے وزیر اعلیٰ بنے اور مخلوط حکومت کی قیادت کی، جو اپنی مدت پوری نہ کر سکی۔ وہ 1977-80، 1997-2002، 2007-12 اور 2012-2017 میں وزیر اعلیٰ بھی رہے۔ وہ 11 مرتبہ اسمبلی کے رکن منتخب ہوئے تھے۔