ترقیاتی منصوبے اس بات کا ثبوت ہیں کہ ڈبل انجن کی حکومت، کتنی تیزی سے کام کر رہی ہے: پی ایم مودی

PM Modi in Nagpur and Goa: وزیر اعظم نریندر مودی نے اتوار کو ناگپور میں کئی ترقیاتی منصوبوں کا افتتاح کیا۔ سب سے پہلے انہوں نے ناگپور-بلاسپور وندے بھارت ایکسپریس ٹرین کو ناگپور ریلوے اسٹیشن سے ہری جھنڈی دکھائی۔ وندے بھارت ٹرین شروع ہونے سے پہلے کے مقابلے میں ناگپور سے بلاسپور یا بلاسپور سے ناگپور تک کا سفر کم وقت میں ممکن ہوگا۔ وندے بھارت ایکسپریس ٹرین دیگر سپر فاسٹ ٹرینوں سے زیادہ آرام دہ ہے۔ اس کے بعد پی ایم مودی نے ناگپور میٹرو ریل پروجیکٹ کا بھی افتتاح کیا۔ فریڈم پارک سے کھپری تک کا سفر بھی کیا۔ اس دوران پی ایم مودی نے ناگپور میٹرو میں سفر کرنے والے طلباء سے بھی بات چیت کی۔ وزیر اعظم نریندر مودی نے ناگپور میٹرو کے فیز 2 کا سنگ بنیاد بھی رکھا۔ اس پر 6700 کروڑ روپے خرچ ہونے کا امکان ہے۔

 

مختلف ترقیاتی منصوبوں کا افتتاح کرنے کے بعد پی ایم مودی نے کہا کہ آج کا دن مہاراشٹر کے لیے بہت خاص ہے۔ ایسے ترقیاتی کام ناگپور سے شروع کیے جا رہے ہیں، جس سے لوگوں کی زندگیوں میں تبدیلی آئے گی۔ آج (اتوار) افتتاح کیے گئے پروجیکٹ مہاراشٹر کی ترقی کو ایک نئی سمت دیں گے۔ یہ پروجیکٹ ریاست میں بنیادی ڈھانچے کا ایک جامع منظر پیش کرتے ہیں۔ پی ایم مودی نے مزید کہا کہ یہ اس بات کا ثبوت ہے کہ مہاراشٹر اور مرکز میں ڈبل انجن والی حکومت کتنی تیزی سے کام کر رہی ہے۔ وزیر اعظم نریندر مودی نے کہا کہ میں آزادی کے 75 سال کے امرت مہوتسو میں 75,000 کروڑ روپے کے ان ترقیاتی کاموں کے لیے مہاراشٹر اور اس کے عوام کو مبارکباد دیتا ہوں۔

پی ایم مودی نے ناگپور میٹرو کا کیا افتتاح، ٹکٹ خرید کر کیا سفر

پولیس کی لاپرواہی پر اٹھے سوال، 2تھانوں کے افسران کے خلاف ہوگی محکمانہ انکوائری

 

اہم بات یہ ہے کہ وزیر اعظم نریندر مودی ناگپور اور گوا میں ہزاروں کروڑ کی لاگت والے ترقیاتی پروجیکٹوں کا سنگ بنیاد رکھنے کے ساتھ کچھ کا افتتاح بھی کریں گے۔ پی ایم مودی نے ناگپور میٹرو ریل پروجیکٹ کے پہلے مرحلے کا آغاز کیا اور دوسرے مرحلے کا سنگ بنیاد رکھا۔