ہوم » نیوز » مغربی ہندوستان

راجستھان سیاسی بحران پر پرینکا گاندھی نے کہا : منتخب سرکار کو گرانے کی کوشش کررہی بی جے پی

کانگریس جنرل سکریٹری پرینکا گاندھی واڈرا نے بھی بی جے پی اور مرکزی حکومت پر نشانہ سادھا ہے ۔ پرینکا نے سوشل میڈیا کے ذریعہ حملہ کرتے ہوئے کہا کہ راجستھان بحران کو دیکھتے ہوئے بی جے پی کی منشا صاف ہے ، وہ منتخب حکومت کو گرانے کی سازش کررہی ہے ۔

  • Share this:
راجستھان سیاسی بحران پر پرینکا گاندھی نے کہا : منتخب سرکار کو گرانے کی کوشش کررہی بی جے پی
راجستھان سیاسی بحران پر پرینکا گاندھی نے کہا : منتخب سرکاروں کو گرانے کی کوشش کررہی بی جے پی

راجستھان میں جاری سیاسی بحران کے درمیان راج بھون اور ریاستی حکومت میں ٹکراو کی صورتحال کو لے کر کانگریس پارٹی نے حملہ تیز کردیا ہے ۔ پارٹی کے سینئر لیڈران اس سیاسی بحران کو لے کر بی جے پی پر حملہ بول رہے ہیں ۔ اسی سلسلہ میں کانگریس جنرل سکریٹری پرینکا گاندھی واڈرا نے بھی بی جے پی اور مرکزی حکومت پر نشانہ سادھا ہے ۔ پرینکا نے سوشل میڈیا کے ذریعہ حملہ کرتے ہوئے کہا کہ راجستھان بحران کو دیکھتے ہوئے بی جے پی کی منشا صاف ہے ، وہ منتخب حکومت کو گرانے کی سازش کررہی ہے ۔ پرینکا گاندھی (Priyanka Gandhi) نے کہا کہ ملک ابھی کورونا وائرس کے بحران کے دور سے گزر رہا ہے ۔ ملک کو ابھی مفاد عامہ میں کام کرنے والی قیادت کی ضرورت ہے ، لیکن مرکز کی بی جے پی حکومت نے عوام کے ذریعہ منتخب کی گئی حکومت کو گرانے کی کوشش کرکے اپنی منشا اور کیریکٹر واضح کردیا ہے ۔ عوام اس کا جواب ضرور دیں گے ۔


آپ کو بتادیں کہ اس سے پہلے راجستھان میں اسمبلی سیشن بلائے جانے کو لے کر کانگریس کے دیگر لیڈروں نے بھی بی جے پی پر نشانہ سادھا ۔ کانگریس لیڈروں نے ملک کی دیگر ریاستوں میں اسمبلی سیشن بلائے جانے لیکن راجستھان میں گورنر کے ذریعہ اس سلسلہ میں کوئی قدم نہ اٹھائے جانے پر سوال اٹھایا ہے ۔ کانگریس لیڈروں نے گورنر پر جانبدارانہ رویہ اپنانے کا الزام لگایا ہے ۔



کانگریس ترجمان ابھیشیک منوسنگھوی نے آج موجودہ سیاسی بحران کو لے کر راجستھان کے گورنر کلراج مشر کے رویہ پر سوال اٹھایا ۔ سنگھوی نے کہا کہ گورنر ریاستی حکومت کے تعاون اور مشورہ سے فیصلہ لینے کے پابند ہوتے ہیں ، لیکن راجستھان کے گورنر مرکز میں بیٹھے اپنے ماسٹرس کی آواز سن رہے ہیں ۔ انہوں نے کہا کہ گورنر نے کانگریس پارٹی کو بھروسہ دلایا تھا کہ آئین کے تحت وہ اس معاملہ پر فیصلہ لیں گے ، لیکن اسمبلی سیشن نہ بلانے سے ان کی منشا صاف ہورہی ہے ۔

اس سے پہلے کانگریس پارٹی کی جانب سے اس پورے سیاسی واقعات کے پیچھے بی جے پی کا ہاتھ بتاتے ہوئے مودی حکومت سے پانچ سوالات پوچھے گئے تھے ۔ کانگریس ترجمان اجے ماکن نے جے پور میں آج پریس کانفرنس میں مودی حکومت سے یہ سوالات پوچھے ۔ ماکن نے بھی اپنی پریس کانفرنس میں مودی حکومت کے اوپر راجستھان کی منتخب حکومت کو گرانے کی سازش رچنے کا الزام لگایا ۔
Published by: Imtiyaz Saqibe
First published: Jul 26, 2020 07:36 PM IST