ہوم » نیوز » مغربی ہندوستان

نوئیڈا میں فلم سٹی کو لے کر بیان بازی تیز، ادھو ٹھاکرے بولے۔ یہاں دھمکی نہیں چلے گی

نوئیڈا میں فلم سٹی کو لے کر اترپردیش کے وزیر اعلیٰ یوگی آدتیہ ناتھ اور مہاراشٹر کے وزیر اعلیٰ ادھو ٹھاکرے کے درمیان بیان بازی تیز ہو گئی ہے۔ بتا دیں کہ یوپی کے وزیر اعلیٰ یوگی آدتیہ ناتھ آج ممبئی کے دورے پر ہیں اور وہ یہاں پر فلم سٹی کے سرمایہ کاروں کے ساتھ ایک میٹنگ کرنے والے ہیں۔

  • Share this:
نوئیڈا میں فلم سٹی کو لے کر بیان بازی تیز، ادھو ٹھاکرے بولے۔ یہاں دھمکی نہیں چلے گی
مہاراشٹر کے وزیر اعلیٰ ادھو ٹھاکرے

نئی دہلی۔ نوئیڈا میں فلم سٹی (Film City) کو لے کر اترپردیش (Uttar Pradesh) کے وزیر اعلیٰ یوگی آدتیہ ناتھ (CM Yogi Adityanath) اور مہاراشٹر کے وزیر اعلیٰ ادھو ٹھاکرے (Uddhav Thackeray) کے درمیان بیان بازی تیز ہو گئی ہے۔ بتا دیں کہ یوپی کے وزیر اعلیٰ یوگی آدتیہ ناتھ آج ممبئی کے دورے پر ہیں اور وہ یہاں پر فلم سٹی کے سرمایہ کاروں کے ساتھ ایک میٹنگ کرنے والے ہیں۔ حالانکہ مہاراشٹر کے وزیر اعلیٰ ادھو ٹھاکرے نے اس میٹنگ کو لے کر اعتراض جتایا ہے۔ انہوں نے کہا ہے کہ مسابقہ آرائی ہونا اچھی بات ہے، لیکن چیخ کر، دھمکی دے کر کوئی یہاں کی صنعت کو لے کر جانا چاہے گا تو میں وہ ہونے نہیں دوں گا۔


انڈین مرچنٹ آف چیمبرس آف کامرس میں بات کرتے ہوئے وزیر اعلیٰ ادھو ٹھاکرے نے کہا کہ مہاراشٹر آج بھی صنعت کاروں کی پہلی پسند ہے۔ حکومت کی کوشش رہتی ہے کہ ریاست میں آنے والی ہر صنعت کو ہر طرح کی سہولت دی جائے۔ انہوں نے کہا کہ ریاست کی کوئی بھی صنعت باہر نہیں جائے گی، بلکہ دیگر ریاستوں کے صنعت کار بھی مہاراشٹر میں صنعت لگانے کے لئے آئیں گے۔


انہوں نے کہا کہ سبھی ریاستیں اپنے یہاں صنعت کو فروغ دینے کا کام کر رہی ہیں۔ میرا ماننا ہے کہ مسابقہ آرائی اچھی بات ہے لیکن دھمکا کر کسی کو بھی یہاں سے کوئی بھی صنعت کو لے جانے نہیں دیا جائے گا۔ انہوں نے کہا کہ صنعت کو میں یہاں سے جانے نہیں دوں گا۔ ادھو ٹھاکرے نے اس موقع پر یوگی آدتیہ ناتھ کا نام لئے بغیر کہا کہ دم ہے تو یہاں کی صنعت کو باہر لے کر جائیں۔



فلم سٹی کو لے کر چل رہے تنازعہ پر بات کرتے ہوئے شیوسینا لیڈر سنجے راوت نے کہا کہ میں نے دیکھا ہے کہ یوگی جی ممبئی کے کسی 5 ستارہ ہوٹل میں اکشے کمار کے ساتھ بیٹھے ہیں۔ مجھے لگتا ہے کہ اکشے جی آم کی ٹوکری لے کر انہیں دینے گئے ہوں گے۔ جہاں تک نوئیڈا میں فلم سٹی کا سوال ہے تو آدتیہ ناتھ پہلے یہ بتائیں کہ ابھی جو فلم سٹی نوئیڈا میں موجود ہے اس کا کیا حال ہے۔
Published by: Nadeem Ahmad
First published: Dec 02, 2020 12:25 PM IST
corona virus btn
corona virus btn
Loading