اجمیر میں 15 لاکھ روپے کی چوری سی سی ٹی وی میں قید، پولیس نے شروع کی چوروں کی تلاش

اجمیر: اجمیر کے بجئے نگر میں رات کے وقت چوروں نے ایک بڑی واردات کو انجام دیا ہے۔  چوروں نے کرانہ اشیا کی ہول سیل دکان کے عقبی گیٹ کا تالا توڑ کر اس واردات کو انجام دیا۔  چور یہاں سے پندرہ لاکھ نقدی، چاندی کے سکے اور سونے کے سکے چرا کر لے گئے۔ صبح دکاندار پہنچا تو چوری کی واردات سامنے آئی۔  یہ سارا واقعہ دکان میں لگے سی سی ٹی وی میں قید ہو گیا ہے۔  بجئے نگر پولس تھانہ معاملے کی جانچ میں مصروف ہے۔

شیواجی نگر بیجئے نگر کے رہنے والے گگن داس لالوانی نے بتایا کہ ان کی دکان میسرز ہری اوم (جالیہ سیکنڈ والے)، کمال اینڈ کمپنی، آر آئی سی او روڈ، پاور ہاؤس کے قریب، بیجے نگر میں ہے۔  گگن داس نے بتایا کہ رات تقریباً 9.30 بجے وہ اپنی دکان کو تالا لگا کر گھر چلا گیا۔  صبح ساڑھے آٹھ بجے جب وہ اپنی دکان پر پہنچا تو دیکھا کہ دکان کے پیچھے گیٹ کا تالا ٹوٹا ہوا تھا۔  دکان میں رکھا تمام سامان بکھرا ہوا پایا گیا۔  15 لاکھ روپے کی نقدی، 10 گرام کے 30 چاندی کے سکے، دکان میں رکھے آدھے گرام کے سونے کے سکے غائب پائے گئے۔

 واقعہ سی سی ٹی وی میں قید

دکان کے مالک نے دکان میں نصب سی سی ٹی وی پر نظر ڈالی تو معلوم ہوا کہ رات 12.30 بجے کے قریب دو نامعلوم چوروں نے دکان کے پیچھے سے گیٹ کا تالا توڑ کر چوری کی واردات کو انجام دیا۔  متاثرہ کی اطلاع پر بجئے نگر تھانہ پولیس نے جائے وقوعہ کا معائنہ کیا۔  اس دوران موقع پر لوگوں کی بھیڑ بھی جمع ہوگئی۔

یہ بھی پڑھئے: امرتسر سے اجمیر پہنچیں گے پاکستانی زائرین، پولیس انتظامیہ نے کئے ٹھوس انتظامات

یہ بھی پڑھئے : وسندھرا راجے کے بہانے اشوک گہلوت پر نشانہ، سچن پائلٹ نے پھر یاد دلایا 'عوام سے کیا وعدہ'

سی سی ٹی وی فوٹیج میں نظر آنے والے چوروں کی تلاش شروع کردی گئی ہے، لیکن بھی تک کوئی سراغ نہیں ملا ہے۔  پولیس نے متاثرہ تاجر کی رپورٹ پر مقدمہ درج کر کے تفتیش شروع کر دی ہے ۔