ہوم » نیوز » مغربی ہندوستان

راجستھان : اودے پور میں روزہ توڑ کر عقیل منصوری نے بچائی کورونا مریضوں کی جان ، جانئے کیا ہے معاملہ

اودے نگر کے رہنے والے عقیل منصوری نے کہا کہ انسانیت سب سے بڑا مذہب ہے ۔ یہ اللہ کی عبادت ہے ۔ انہوں نے بتایا کہ جیسے ہی انہیں خاتون مریضوں کے آکسیجن پر ہونے اور پلازمہ کی ضرورت کی خبر ہوئی تو وہ فورا اسپتال پہنچ گئے ۔

  • Share this:
راجستھان : اودے پور میں روزہ توڑ کر عقیل منصوری نے بچائی کورونا مریضوں کی جان ، جانئے کیا ہے معاملہ
راجستھان : اودے پور میں روزہ توڑ کر عقیل منصوری نے بچائی کورونا مریضوں کی جان ، جانئے کیا ہے معاملہ

اودے پور : کہتے ہیں کہ انسانیت سے بڑا کوئی مذہب نہیں ہوتا ۔ اسی بات کو اودے پور کے ایک نوجوان نے ثابت کر دکھایا ہے ۔ دراصل شہر کے پرائیویٹ اسپتال میں داخل دو خاتون مریضوں کیلئے اے پازیٹیو گروپ کے پلازمہ کی ضرورت تھی ۔ اہل خانہ نے اس کیلئے خون عطیہ کرنے والی سماجی تنظیم سے رابطہ کیا ۔ تنظیم نے اس بارے میں جب سترہ مرتبہ خون عطیہ کرچکے عقیل منصوری سے بات کی تو وہ فورا تیار ہوگئے ۔ رمضان کے مقدس ماہ میں عقیل منصوری نے کورنا سے متاثر مریضوں کی جان بچانے کیلئے اپنا روزہ توڑ دیا اور پلازمہ عطیہ کیا ۔


اودے نگر کے رہنے والے عقیل منصوری نے کہا کہ انسانیت سب سے بڑا مذہب ہے ۔ یہ اللہ کی عبادت ہے ۔ انہوں نے بتایا کہ جیسے ہی انہیں خاتون مریضوں کے آکسیجن پر ہونے اور پلازمہ کی ضرورت کی خبر ہوئی تو وہ فورا اسپتال پہنچ گئے ۔ اسپتال کے ڈاکٹروں نے عقیل کی جانچ کی اور عقیل سے کہا کہ بھوکے پیٹ پلازمہ عطیہ نہیں کیا جاسکتا ۔ اس پر انسانیت کا مذہب نبھاتے ہوئے عقیل منصوری نے اسپتال میں ہی اپنا روزہ توڑا اور پلازمہ عطیہ کیا ۔ عقیل منصوری کے روزہ توڑ کر پلازمہ عطیہ کرنے کی یہ خبر سوشل میڈیا پر وائرل ہوگئی ہے ۔ سوشل میڈیا یوزرس عقیل کے اس نیک کام کی جم کر تعریف کررہے ہیں ۔


عقیل منصوری نے بتایا کہ وہ اودے پور میں ضرورت مندوں کو خون پہنچانے والی تنظیم رکت یووا واہنی سے وابستہ ہے ۔ اس سے پہلے 17 مرتبہ خون عطیہ کرچکا ہے ۔ اسی سلسلہ میں پرائیویٹ اسپتال میں بھرتی کورونا سے متاثر خاتون مریضوں کی جانکاری ملنے کے بعد عقیل نے پلازمہ عطیہ کرنے کا فیصلہ کیا ۔


عقیل نے بتایا کہ انہیں بھی کورونا وائرس ہوا تھا ، اس لئے جب ان کے سامنے یہ معاملہ آیا تو انہوں نے انسانیت کا مذہب نبھاتے ہوئے کورونا مریضوں کو پلازمہ عطیہ کرنے کا فیصلہ کیا ۔
Published by: Imtiyaz Saqibe
First published: Apr 18, 2021 04:04 PM IST