RSS چیف موہن بھاگوت کا بڑا بیان، کہا : اب آر ایس ایس نہیں کرے گا کوئی مندر آندولن

ناگپور : راشٹریہ سویم سیوک سنگھ کے سربراہ موہن بھاگوت نے کہا کہ آر ایس ایس اب کوئی اور مندر آندولن نہیں کرے گا ۔ انہوں نے براہ راست طور پر گیان واپی معاملہ کا نام نہیں لیا، بلکہ کہا کہ ابھی حال ہی میں مسجد کو لے کر سروے کیا گیا تھا ۔ ہندو ہوں یا مسلمان ، ان کو اس معاملہ پر تاریخی حقیقت اور حقائق کو قبول کرنا چاہئے ۔ دونوں فریقوں کو ایک ساتھ آنا چاہئے اور اگر ضرورت ہو تو کورٹ میں معاملہ جائے اور سبھی کورٹ کے فیصلے کو قبول کریں ۔ وہ کارکنان کے ٹریننگ پروگرام کے اختتام پر خطاب کررہے تھے ۔

 

یہ بھی پڑھئے : ہم کسی کو جیتنے کا نہیں، لوگوں کو جوڑنے کا کام کرتے ہیں: RSS سربراہ موہن بھاگوت

اے این آئی کے مطابق خطاب میں موہن بھاگوت نے کہا کہ کچھ ہندو تنظیمیں آئے دن کسی نہ کسی مندر ۔ مسجد کا تنازع سامنے لا رہی ہیں ۔ ایسا کرنا ٹھیک نہیں ہے ۔ ایسے معاملات کا پرامن حل ضروری ہے ۔ انہوں نے کہا کہ کچھ ہندو تنظیموں نے ملک میں کئی مقامات پر مسجدوں کی جگہ پر مندر بنانے کی مانگ کی ، کیونکہ انہیں لگا کہ یہ متنازع ہے ۔ ایسے معاملات میں کچھ تنظیموں نے آر ایس ایس کو بھی جوڑنے کی کوشش کی ۔ ایسے کسی بھی آندولن میں آر ایس ایس شامل نہیں ہوگا ۔

#WATCH | "...We shouldn't bring out a new matter daily. Why should we escalate dispute? We have devotion towards #Gyanvapi and we are doing something as per that, it is alright. But why look for a Shivling in every masjid?..." says RSS chief as he speaks on Gyanvapi mosque issue. pic.twitter.com/eYLmaEEQY4

— ANI (@ANI) June 2, 2022

آر ایس ایس سربراہ بھاگوت نے کہا کہ ہم حکومت کرنے نہیں بلکہ دنیا کو جوڑنے کیلئے ایک ذریعہ کے طور پر کام کررہے ہیں ۔ ہمیں ہندوستان کو وشوگرو بنانے کی سمت میں کام کرنا چاہئے ۔ سنگھ سربراہ نے کہا کہ سنگھ بھی سبھی کو جوڑنے کا کام کرتا ہے نہ کہ کسی کو جیتنے کیلئے ۔ ہندوستان کسی کو جیتنے کیلئے بلکہ سبھی کو جوڑنے کیلئے وجود میں ہے ۔

Do we want to be 'vishvavijeta'? No, we have no such aspirations. We don't have to win anyone. We have to connect everyone. Sangh too works to connect everyone and not to win. India has existed to not win anyone but connect everyone: RSS chief Mohan Bhagwat, in Nagpur pic.twitter.com/2sO2rqFZEd

— ANI (@ANI) June 2, 2022

اپنے خطاب میں روس اور یوکرین کا تذکرہ کرتے ہوئے موہن بھاگوت نے کہا کہ ہندوستان نے اس جنگ کی نہ تو حمایت کی اور نہ ہی روس کی مخالفت کی ۔ ہندوستان نے یوکرین کو جنگ میں مدد نہیں کی ، لیکن انہیں دیگر سبھی مدد فراہم کررہا ہے ۔ وہ لگاتار روس سے بات چیت کررہا ہے ۔

 

یہ بھی پڑھئے : دہشت گردوں نے بڈگام میں دو غیر مقامی مزدوروں پر گولیاں برسائیں، ایک کی موت

موہن بھاگوت نے کہا کہ اگر ہندوستان آج روس سے زیادہ طاقتور ہوتا تو جنگ رکوا سکتا تھا، لیکن ایسا نہیں کرسکتا ، اس کی طاقت ابھی بڑھ رہی ہے ۔ انہوں نے کہا کہ اس جنگ نے ہم جیسے ملکوں کیلئے سیکورٹی اور اقتصادی معاملات کو بڑھا دیا ہے۔ ہمیں اپنی کوششوں کو اور زیادہ مضبوط کرنی ہوں گی اور ہمیں طاقتور بننا ہوگا ۔