مقابلہ جاتی امتحانات کے بارے میں رہنمائی کے لئے ناندیڑ میں سمینار کا انعقاد
ناندیڑ۔ مسابقتی امتحانات کے بارے میں مسلم طلبہ میں بیداری لانے کےلیے ناندیڑمیں ایک سمینار کا انعقاد کیا گیا ۔
ناندیڑ۔ مسابقتی امتحانات کے بارے میں مسلم طلبہ میں بیداری لانے کےلیے ناندیڑمیں ایک سمینار کا انعقاد کیا گیا ۔
- ETV
- Last Updated :
ناندیڑ۔ مسابقتی امتحانات کے بارے میں مسلم طلبہ میں بیداری لانے کےلیے ناندیڑمیں ایک سمینار کا انعقاد کیا گیا ۔ ضلع پولیس محکمہ اور مختلف ملی و سماجی تنظیموں کی جانب سے منعقدہ پروگرام میں مسابقتی امتحانات کی تیاری کیسے کریں، اس بار ے میں ماہرین نے طلبہ کی رہنمائی کی ۔
یو پی ایس سی اور ایم پی ایس سی جیسے مقابلہ جاتی امتحانات میں مسلم طلبہ کی کامیابی کا تناسب آٹے میں نمک کے برابر ہے۔ اس تناسب کو بڑھانے کے لیے مختلف سطح پر کوششیں کی جارہی ہیں ۔ اس سلسلہ میں ناندیڑ میں ضلع پولیس محکمہ اور مختلف ملی و سماجی تنظیموں کی جانب سے ایک سمینار کا انعقاد کیا گیا ۔ سمینار میں طلبہ کی رہنمائی کے لئے ایم پی ایس سی اور یو پی ایس سی امتحان میں کامیابی حاصل کرنے والے افراد کو مدعو کیا گیا تھا ۔
سمینار میں شریک مقررین نے اپنے تجربات کی روشنی میں طلبہ کی رہنمائی کرتے ہوئے مقابلہ جاتی امتحانات کی تیاری کیسے کی جاتی ہے اس کے بارے میں معلومات دی۔ ساتھ ہی مقابلہ جاتی امتحانات کے بارے میں طلبہ کے ذہنوں میں پائے جانے والے اشکالات کو بھی دور کرنے کی کوشش کی گئی ۔
امتحانات کی تیاری کے لیے مطالعہ کی اہمیت، مستقل مزاجی، خود کی شخصیت میں پائی جانے والی خوبیوں اورخامیوں کے بارے میں جاننا اور خوبیوں کو پروان چڑھانا اور خامیوں کو دورکرنے کی کوشش کرنا ضروری ہے۔ یہ وہ نکات ہیں جن کے بارے میں ماہرین نے طلبہ کوسمجھانے کی کوشش کی۔ اس کے علاوہ مقابلہ جاتی امتحانات میں شریک ہونے والے طلبہ کے لیے حکومت کی جانب سے چلائی جارہی مختلف اسکالرشپ اسکیموں کے بارے میں بھی معلومات دی گئی ۔ سمینار میں کثیر تعداد میں طلبا و طالبات نے شرکت کی ۔
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔
