شہنشاہ جذبات دلیپ کمارسے ملنے پہنچے کنگ خان ، سائرہ بانو نے کہا : منہ بولا بیٹا

ممبئی : بالی ووڈ کے شہنشاہ جذبات دلیپ کمار کچھ دن اسپتال میں رہنے کے بعد اب گھر واپس آ چکے ہیں اور ان کی حالت پہلے سے بہتر بتائی جا رہی ہے۔ یوں تو دلیپ کمار کی کیفیت جاننے والوں کی فہرست کافی طویل ہے ، لیکن شاہ رخ خان دلیپ کمار کا حال چال جاننے کیلئے ان کے گھر پہنچے۔

شاہ رخ خان نے دلیپ کمار سے ان کی طبیعت کے بارے میں پوچھا ۔ آپ کو بتا دیں کہ دلیپ کمار شاہ رخ کو اپنا منہ بولا بیٹا مانتے ہیں اور شاہ رخ کئی مواقع پر کہہ چکے ہیں کہ وہ دلیپ کمار کے مداح ہیں اور انہی کو دیکھ کر وہ فلموں میں آئے تھے ۔دلیپ کمار کی اہلیہ سائرہ بانو نے اپنے آفیشیل ٹویٹر اکاؤنٹ سے شاہ رخ اور دلیپ کی ملاقات کی تصاویر شیئر کی ہیں ۔

قابل ذکر ہے کہ دو اگست کو پانی کی کمی اور انفیکشن کی شکایت کے بعد دلیپ کمار کو لیلاوتی اسپتال میں داخل کیا گیا تھا۔ تقریبا ایک ہفتہ تک ڈاکٹروں کی نگرانی میں رہنے کے بعد ان کو ڈسچارج کردیا گیا اور وہ گھر واپس آ گئے ۔

2/ @iamsrk visited Sahab this evening. Sahab's doing much better since return from the hospital. Shukar Allah. pic.twitter.com/V2njs5swDM

— Dilip Kumar (@TheDilipKumar) August 15, 2017

Message from Saira Banu: Sahab's mooh-bola beta-"son" @iamsrk visited Sahab today. Sharing some photos of the evening. pic.twitter.com/UHV8gzOB8v

— Dilip Kumar (@TheDilipKumar) August 15, 2017