آر ایس ایس کی میگزین پنج جنیہ میں اب ٹیپو سلطان کو جنوب کا اورنگ زیب بتایا گیا

ناگپور: آر ایس ایس کی میگزین پنچ جنیہ ایک مرتبہ پھر سرخیوں میں ہے۔ اس مرتبہ پنج جنیہ ٹیپو سلطان پر غلط تبصرہ کرنے کی وجہ سے سرخیوں میں ہے۔

آر ایس ایس کی میگزین شائع ایک مضمون میں ٹیپو سلطان کو جنوب کا اورنگ زیب قرار دیا گیا ہے۔ اس شمارہ کے شائع ہوتے ہی مسلمانوں نے اس کی شدید مخالفت شروع کردی ہے۔

پنچ جنيہ میں شائع مضمون میں ٹیپو سلطان کو ہندو مخالف قرار دیا گیا ہے اور کہاگیا ہے کہ وہ جنوب کے اورنگ زیب تھے۔

جمعیت علمائے ہند نے اس مضمون کی شدید نکتہ چینی کی ہے۔ جمعیۃ کا کہنا ہے کہ آر ایس ایس مسلم ناموں کو برداشت نہیں کر پا رہی اور اسی وجہ سے اس اورنگ زیب کے بعد اب ٹیپو سلطان کو نشانہ بنایا جا رہا ہے۔

قابل ذکر ہے کہ گزشتہ دنوں کرناٹک میں بھی بی جے پی اور دیگر ہندو تنظیموں نے ٹیپو سلطان کے یوم پیدایش کی تقریبات کی پرزور مخالفت کی تھی ۔یہی نہیں تشدد کے دوران دو لوگوں کی موت بھی ہوگئی تھی۔

اس وقت جمعیۃ علما کی جنوبی یونٹ نے ایک کانفرنس کر کے کہا تھا کہ ٹیپو سلطان اپنے دور اقتدار میں مندروں کولاکھوں کی امداد دیا کرتے تھے۔