ہوم » نیوز » مغربی ہندوستان

مہاراشٹر: شیوسینا کے واحد مسلم لیڈر اور وزیر عبد الستار نے استعفی کی خبر کو بتایا افواہ ، کہی یہ بات

بتایا جاتا ہے کہ عبد الستار ایم ایل اے کی حیثیت سے بھی استعفیٰ دے سکتے ہیں اور اس سلسلہ میں اپنے معاونین سے مشورہ کر رہے ہیں اور اس کے بعد ہی فیصلہ کریں گے۔

  • UNI
  • Last Updated: Jan 04, 2020 09:35 PM IST
  • Share this:
  • author image
    NEWS18-Urdu
مہاراشٹر: شیوسینا کے واحد مسلم لیڈر اور وزیر عبد الستار  نے استعفی کی خبر کو بتایا افواہ ، کہی یہ بات
شیوسینا کے ایم ایل اے عبد الستار کی فائل فوٹو

ممبئی: شیوسینا کے واحد مسلم لیڈر اور وزیرمملکت عبد الستار نے عہدہ سے استعفیٰ دینے کی خبر کو افواہ قرار دیا ہے ۔میڈیا سے بات چیت میں انہوں نے کہا کہ جس نے میرے استعفی کی خبر پھیلائی ہے ، اس سے جاکر جواب طلب کرو۔ انہوں نے کہا کہ استعفی کی افواہ پھیلائی گئی تھی ۔ انہوں نے کہا کہ ادھو ٹھاکرے سے مل کر سبھی معاملات پر وضاحت کریں گے ۔


دراصل اسمبلی الیکشن سے چند ماہ قبل انہوں نے کانگریس سے علیحدگی اختیار کرکے شیوسینا کا دامن تھام لیا تھا۔ شیوسینا ذرائع نے فی الحال اس خبر پر کچھ نہیں کہا ہے۔ تاہم اس سے پہلے عبد الستار کے بیٹے سمیر نبی نے اورنگ آباد میں اس کی تردید کی ہے۔



ایسی بھی خبریں گردش کررہی تھیں کہ وہ ایم ایل اے کی حیثیت سے بھی استعفیٰ دے سکتے ہیں اور اس سلسلہ میں اپنے معاونین سے مشورہ کر رہے ہیں اور اس کے بعد ہی فیصلہ کریں گے۔ عبد الستارکے استعفے کے سبب شیوسینا کو کافی پریشانی کا سامنا کرنا پڑسکتا ہے۔ یہ موجودہ حکومت کے ساتھ ساتھ شیوسینا کے لئے بھی ایک بڑا جھٹکا ہے۔
واضح رہے کہ حال میں 30 دسمبر کو ہی مہاوکاس اگھاڑی(ایم وی اے) کی قیادت میں ادھو ٹھاکرے کابینہ میں توسیع کی گئی تھی اور انہیں وزیرمملکت بنایا گیا تھا، لیکن اب تک قلمدان نہیں دیا گیا ہے۔
First published: Jan 04, 2020 01:51 PM IST
corona virus btn
corona virus btn
Loading