نہ میں مطمئن ہوں اور نہ ہی خوش ، یہ انصاف نہیں ہے : ذکیہ جعفری

احمد آباد : گلبرگہ سوسائٹی کیس میں احمد آباد کی خصوصی عدالت کے ذریعہ سنائی گئی سزا پر مرحوم احسان جعفری کی بیوی ذکیہ جعفری نے رد عمل ظاہر کرتے ہوئے کہا کہ وہ اس سے نہ تو مطمئن ہیں اور نہ ہی خوش ہیں۔ انہوں نے کہا کہ میں اپنے وکلاء سے دوبارہ بات کروں گی۔ یہ انصاف نہیں ہے۔ اتنے لوگوں کی موت کے بعد کیا یہی وہ سب ہے ، جس کو کورٹ نے طے کیا؟

 

I am not satisfied, I am not happy. I will have to consult my lawyers again, this is not justice: Zakia Jafri #GulbargVerdict

— ANI (@ANI_news) June 17, 2016

They brutally killd Ehsan Jafri, this is quantum of sentence?They should have all got life imprisonment: Zakia Jafri pic.twitter.com/QrvcBRnAEy — ANI (@ANI_news) June 17, 2016

گلبرگہ سوسائٹی متاثرین کی لڑائی لڑنے والی سماجی کارکن تیستا سیتلواڑ نے فیصلے کا خیر مقدم تو کیا ، لیکن کہا کہ وہ کم سزا دئے جانے سے مایوس ہیں۔ انہوں نے کہا کہ جنہیں عمر قید نہیں ہوئی ہے ، ان کے لئے دوبارہ اپیل کریں گی۔ تیستا نے آگے کہا کہ عمر قید کی سزا ہونی ہی چاہئے ، کمزور فیصلہ ہے۔

We welcome the verdict but we are disappointed, on the lesser sentence. : Teesta Setalvad on Gulbarg Case verdict pic.twitter.com/TnTjE0xm4n

— ANI (@ANI_news) June 17, 2016

ادھر ایک مجرم کی بہن نے کورٹ کے باہر بھائی کو بے گناہ قرار دیتے ہوئے کہا کہ وہ اس فیصلے کے خلاف سپریم کورٹ جائیں گی۔ کورٹ کے باہر قصوروار قرار دئے گئے افراد کے اہل خانہ نے بھی کہا کہ وہ سپریم کورٹ میں اس فیصلے کے خلاف اپیل کریں گے۔

My brother is innocent, we will go to the SC against this verdict, not fair: Sister of one accused #GulbargSociety pic.twitter.com/Pj5Pb4ctsG — ANI (@ANI_news) June 17, 2016

لوک سبھا میں کانگریس لیڈر ملک ارجن کھڑگے نے مرکزی حکومت پر نشانہ سادھتے ہوئے کہا کہ وہ ہر چھوٹے بڑے معاملے میں مداخلت کرتی ہے اور اسی کا اثر ہے کہ اس کیس میں بڑی مچھلیوں کو نہیں پکڑا گیا۔ انہوں نے اسے سازش قرار دیتے ہوئے کہا کہ دکھاوے کے لئے 2-4 لوگوں کو پکڑ کر دکھایا جا رہا ہے، عوام معاف نہیں کریں گے۔

Shabnam Hashmi: I don't believe in death penalty, I wouldn't say judgement should have been death. #GulbargVerdict pic.twitter.com/T1BtZlYxFm

— ANI (@ANI_news) June 17, 2016

خیال رہے کہ عدالت نے 11 قصورواروں کو عمر قید کی سزا سنائی ہے جبکہ 12 دیگر کو 7-7 سال کی قید ہوئی ہے۔ ایک اور ملزم کو 10 سال کی سزا سنائی گئی ہے۔ قابل ذکر ہے کہ گودھرا سانحہ کے بعد ہوئے اس قتل عام نے پورے ملک میں ہلچل مچا دی تھی۔ 27 فروری 2002 میں گودھرا سانحہ کے بعد مشتعل لوگوں نے گلبرگہ سوسائٹی میں قتل عام کیا تھا ، جس میں کانگریس کے سابق رکن پارلیمنٹ احسان جعفری سمیت 69 لوگوں کی جان فوت ہوگئی تھی۔ قتل عام کچھ اس وحشیانہ طریقہ سے کیا گیا تھا کہ صرف 39 افراد کی ہی لاشیں مل سکی تھیں، جبکہ باقی 30 افراد کی لاشیں تک نہیں ملیں ، جنہیں سات سال بعد قانونی کارروائی کے تحت مردہ تسلیم کر لیا گیا۔