سر ایچ این ریلائنس فاونڈیشن اسپتال میں ہوئی اپنی نوعیت کے پہلے 'ون اسٹاپ بریسٹ کلینک' کی شروعات

عالمی یوم کینسر پر ممبئی میں واقع سر ایچ این ریلائنس فاونڈیشن اسپتال کو کئی سوغات ملی ہے ۔ یہاں جمعہ کو اپنی نوعیت کے پہلے ون اسٹاپ بریسٹ کلینک کی شروعات ہوئی ہے ۔ اس کے تحت مریض کو صرف دو گھنٹے میں جامع تشخیص اور علاج ملے گا ۔ اس کلینک کا افتتاح ریلائنس فاونڈیشن کی بانی اور چیئرپرسن نیتا امبانی نے کیا ہے ۔

اس ون اسٹاپ بریسٹ کلینک کا قیام بین الاقوامی سطح کے طریقوں کو دھیان میں رکھ کر کیا گیا ہے ۔ اس میں لندن کے گائس اسپتال کے بریسٹ ٹیومر گروپ کے کلینکل لیڈر اور چیئرمین ڈاکٹر آشوتوش کوٹھاری کا ساتھ شامل ہے۔ ریلائنس فاونڈیشن کی چیئرپرسن نیتا امبانی نے کہا کہ ہم نے نہ صرف ایک جامع آنکولاجی محکمہ کا ، بلکہ ملک کے کے سب سے بہترین ریہیب سینٹر کا قیام کیا ہے ۔

اس موقع پر انہوں نے کہا کہ ہر اس خاتون کیلئے جو اس جنگ کو لڑ رہی ہے ، ہر اس کنبہ کیلئے جو اس چیلنج کا سامنا کررہا ہے ، ہر وہ مریض جو ہمارے بریسٹ کلینک میں پہنچے گا ، میں دعا کرتی ہوں کہ آپ کو اپنے سبھی سوالات کے جواب ملیں ، جنہیں آپ تلاش کررہے ہیں ۔ آپ کو اپنے ڈر پر جیت ملے ۔ انہوں نے کہا کہ شروعات سے ہی ہر ہندوستانی کو کم قیمتوں پر عالمی سطح کی ہیلتھ سروسیز دینا ہمارا مشن ہے ۔ آنکولاجی شروع سے ہی ہمار خاص توجہ والے شعبوں میں سے ایک تھا ۔ ایک ہندوستانی اور خاص طور پر ایک خاتون ہونے کے ناطے میرے لئے اس ون اسٹاپ بریسٹ کلینک کا اعلان کرنا فخر کی بات ہے ۔



سر ایچ این آر ایف ایچ اسپتال میں سرجیکل آنکولاجی کے ڈائریکٹر ڈاکٹر وجے ہری بھکتی نے کہا کہ خواتین اکثر خود کو کفیوز پاتی ہیں اور کئی متبادل سے گھبرا جاتی ہیں ۔ انہیں ایک اجتماعی مشورہ کی ضرورت ہوتی ہے ۔ انہوں نے کہا کہ ہمارا بریسٹ کینسر کلینک بہترین دیکھ بھال اور پوری مدد کرنے کیلئے ایک آسان راستہ فراہم کرنے کی ایک سنجیدہ کوشش ہے ۔ بریسٹ کینسر دنیا بھر کی خواتین کے درمیان سب سے عام کینسر ہے ۔ شہری علاقوں میں ہر 22 میں سے ایک خاتون کی زندگی میں بریسٹ کینسر ڈیولپ ہونے کا امکان ہوتا ہے ۔