مشن پانی : اسٹاک ہوم میں لانچ ہوئی پانی بچانے کی مہم
دو ارب سے زیادہ افراد ایسے ممالک میں رہتے ہیں ، جہاں پانی کا بحران کافی زیادہ ہے اور جوں جوں آبادی میں اضافہ ہوگا اور ڈیمانڈ بڑھے گی ، صورتحال مزید سنگین ہوجائے گی ۔ ساتھ ہی ساتھ ماحولیات کی تبدیلی کے اثر سے بھی اس بحران کے سنگین ہونے کا امکان ہے ۔
ہندوستان ، دنیا کی 17 فیصد آبادی کا گھر اپنی تاریخ میں سب سے سنگین آبی بحران سے گزر رہا ہے اور لاکھوں زندگیاں خطرے میں ہیں ۔ فی الحال 600 ملین ہندوستانی پانی کے بحران کے شکار ہیں اور تقریبا 0.2 ملین افراد ہر سال صاف پانی تک عدم رسائی کی وجہ سے فوت ہوجاتے ہیں ۔
ہندوستان کے ہر شخص تک فائدہ اور ترقی پہنچانے کیلئے پرعزم مرکز کی وزیر اعظم مودی کی قیادت والی حکومت نے پانی بچانے کیلئے ایک اہم مشن جل شکتی ابھیان شروع کیا ہے ۔
ہندوستان کے ساتھ بڑے میڈیا گروپ نیٹ ورک 18 ، دنیا کی لیڈنگ ہائجین ہوم پروڈکٹ کمپنی ریکٹ بینکزر کے پریمیم برانڈ ہارپک اور مشہور اداکار اور آئکن امیتابھ بچن پانی بچانے کی ایک ملک گیر مہم مشن پانی کو لانچ کرنے کیلئے ایک ساتھ آئے ہیں ۔
پانی کے تحفظ کیلئے حکومت کی اپیل کے تحت اس مہم کا مقصد اس سے وابستہ افراد کو ایک پلیٹ فارم پر عوام کو جل آندولن یا واٹر موومنٹ کیلئے راغب کرنا ہے ۔ ساتھ ہی ساتھ لوگوں کو پانی بچانے کیلئے جل پرتگیہ لینے اور واٹر واریئر بننے کیلئے آگے لانا ہے ۔
#MissionPaani – We have been at it for 29 years and we did not have these many people and this much attention when we started: @KatarinaVeem of @siwi_water tells @AnchorAnandN. @HarpicIndia | #IndiaJalBachao | #JanShakti4JalShakti pic.twitter.com/cyVduKKf9g
— News18 (@CNNnews18) August 29, 2019
#MissionPaani – Water security can be attained on five pillars – conservation, judicious use of water, reuse and recycle, use of technology, and most importantly people’s movement: Gajendra Singh Shekhawat (@gssjodhpur) @HarpicIndia | #IndiaJalBachao | #JanShakti4JalShakti pic.twitter.com/G7Z6NZrp9Y
— News18 (@CNNnews18) August 29, 2019
ستائیس اگست 2019 کو ممبئی میں شروع کی گئی اس مہم کا آج یعنی 29 اگست کو اسٹاک ہوم میں ورلڈ واٹر ویک میں گلوبل لانچ کیا گیا ۔ اس پروگرام میں ہندوستان کے مرکزی وزیر برائے جل شکتی گجیندر سنگھ شیخاوت ، ڈرنکنگ واٹر اینڈ سینیٹیشن محکمہ کے سکریٹری پرم ائیر ، آر بی ہائجن اینڈ ہوم ( جنوبی ایشیا ) کے سینئر وائس پریسیڈنٹ اور مینجنگ ڈائریکٹر نرسمہن ایسور ، سویڈش واٹر ہاوس اینڈ انٹرنیشنل پالیسی ، ایس آئی ڈبلیو آئی کی ڈائریکٹر کٹرینا ویم اور واٹر ڈاٹ او آر جی کی مینجنگ ڈائریکٹر ویدیکا بھنڈرکر نے شرکت کی ۔