ریلوے کا نیا ضابطہ! ٹرین پکڑنے کے لئے 20 منٹ پہلے پہنچیں اسٹیشن

اب ائیرپورٹ کی طرح ریلوے اسٹیشنوں پر بھی مسافروں کو سیکورٹی جانچ کے عمل سے گزرنا ہو گا

Jan 12, 2019 05:23 PM IST | Updated on: Jan 12, 2019 05:23 PM IST
ریلوے کا نیا ضابطہ! ٹرین پکڑنے کے لئے 20 منٹ پہلے پہنچیں اسٹیشن

ان دونوں اسٹیشنوں پر پائلٹ پروجیکٹ کے بعد اسے 202 اسٹیشنوں پر نافذ کیا جائے گا۔

ائیرپورٹ پر جس طرح فلائٹ پکڑنے کے لئے پہلے پہنچنا ہوتا ہے اسی طرح اب ٹرین پکڑنے کے لئے بھی 15-20  منٹ کا اضافی وقت لے کر نکلنا ہو گا۔ ریلوے اسٹیشنوں پر کچھ انتظامات بدل رہے ہیں جس سے مسافروں کو انٹری سے لے کر پلیٹ فارم تک پہنچنے میں لگنے والا وقت بڑھ سکتا ہے۔ اس نظام کو سب سے پہلے الٰہ آباد ریلوے اسٹیشن پر نافذ کیا جا رہا ہے جہاں کنبھ کے لئے بڑی تعداد میں مسافر پہنچ رہے ہیں۔ اس کے بعد کرناٹک کے ہبلی ریلوے اسٹیشن پر یہ نیا نظام نافذ ہو گا۔

اب ائیرپورٹ کی طرح ریلوے اسٹیشنوں پر بھی مسافروں کو سیکورٹی جانچ کے عمل سے گزرنا ہو گا۔ فلائٹ کی طرح اب مسافروں کو ٹرین کی طے شدہ وقت سے پہلے پہنچنا ہو گا۔ ایک متعین وقت کے بعد اسٹیشن میں داخل ہونے کی اجازت نہیں دی جائے گی۔ منصوبہ ہے کہ سیکورٹی جانچ کا عمل پورا کرنے کے لئے مسافروں کو طے وقت سے 15-20 منٹ پہلے پہنچنا ہو گا۔

Loading...

ان دونوں اسٹیشنوں پر پائلٹ پروجیکٹ کے بعد اسے 202 اسٹیشنوں پر نافذ کیا جائے گا۔ اسٹیشنوں پر انٹری کے لئے الگ۔ الگ جو غیرقانونی راستے ہوتے ہیں انہیں ریلوے سیل کرنے کا منصوبہ بنا رہا ہے۔ ایسے میں اب انٹری کے محدود راستے ہی ہوں گے۔ انٹری پوائنٹ پر سیکورٹی نظام بھی کافی درست کیا جائے گا۔

Loading...