پاکستان کے ساتھ مسئلہ کشمیر پرکسی بھی طرح کی ثالثی کو ہندوستان نے کیا مسترد

ہندستان نے آج کشمیر کے تنازعے پرہند پاک مذاکرات شروع کرانے کے لئے اقوام متحدہ کے سیکرٹری جنرل انٹونیو گيوٹرس طرف سے کسی بھی طرح کی پہل کو مسترد کر دیا۔

Jun 22, 2017 08:26 PM IST | Updated on: Jun 22, 2017 08:50 PM IST
پاکستان کے ساتھ مسئلہ کشمیر پرکسی بھی طرح  کی ثالثی کو ہندوستان نے کیا مسترد

file photo pti

نئی دہلی: ہندستان نے آج کشمیر کے تنازعے پرہند پاک مذاکرات شروع کرانے کے لئے اقوام متحدہ کے سیکرٹری جنرل انٹونیو گيوٹرس طرف سے کسی بھی طرح کی پہل کو مسترد کر دیا۔ وزارت خارجہ کے ترجمان گوپال باگلے نے اس حوالے سے سوالوں کے جواب میں کہا کہ ’’باہمی معاملات باہمی طور پر حل کئے جائیں گے‘‘۔نامہ نگاروں نے ان سے یہ پوچھا تھا کہ کیا اقوام متحدہ کے سیکرٹری جنرل مسئلہ کشمیر کے حل کے لئے ہندستان اور پاکستان کے درمیان ثالثی کر نا چاہتے ہیں! انہوں نے کہا کہ"ہندستان کا اس مسئلے پر موقف بالکل واضح ہے کہ دو طرفہ مسائل کو حل دو طرفہ بات چیت سے ہی کیا جا سکتا ہے اور یہ بات اقوام متحدہ کے سیکرٹری جنرل کو بھی پتہ ہے۔ "

مسٹر گيوٹرس سے ان کی اولین پریس کانفرنس میں ایک نامہ نگار نے جب اس تنازعہ کو حل کرنے میں ان کے رول کی بابت دریافت کیا تو مسٹر گيوٹرس نے جواب میں کچھ اس طرح کا سوالیہ جملہ ادا کیاتھا کہ ’’آپ یہ کیوں سمجھتے ہیں کہ میں نے پاکستانی وزیر اعظم سے تین بار اور ہندستان کے وزیر اعظم سے دو مرتبہ ہی ملاقات کی ۔۔۔اس کا تعلق صرف تعداد ملاقات سے ہے ‘‘۔

ترجمان نے بتا یا کہ مسٹر گيوٹرس نے کہا تھا کہ وہ مسٹر مودی اور مسٹر شریف سے مل چکے ہیں، انہوں نے قطعیت کے ساتھ یہ نہیں کہاتھا کہ وہ کشمیر کے معاملے پر دونوں ہمسایوں میں بات چیت شروع کرانے کی پہل کر رہے ہیں۔

Loading...

Loading...