راجیہ سبھا الیکشن: این ڈی اے امیدوار ہری ونش ڈپٹی چیئرمین منتخب

آج یعنی9 اگست کو راجیہ سبھا کے ڈپٹی چئیرمین کے لئے ہوئے الیکشن میں این ڈی اے کے امیدوار ہری ونش نارائن کو جیت ملی ہے۔

Aug 09, 2018 12:04 PM IST | Updated on: Aug 09, 2018 01:40 PM IST
راجیہ سبھا الیکشن: این ڈی اے امیدوار ہری ونش ڈپٹی چیئرمین منتخب

ہری ونش

 قومی جمہوری اتحاد (این ڈی اے) کے امیدوار ہری ونش نارائن سنگھ کو آج راجیہ سبھا کا ڈپٹی چیئرمین منتخب کر لیا گیا۔ ان کے حق میں 125 ووٹ پڑے جبکہ مخالفت میں 105 ارکان نے ووٹ دیا۔ ہری ونش کے خلاف اپوزیشن نے کانگریس کے بی کے ہری پرساد کو اپنا امیدوار بنایا تھا۔ اپوزیشن کے کچھ رکن ووٹنگ کے دوران ایوان میں موجود نہیں تھے۔ ہری ونش جھارکھنڈ  و بہار کے معروف اخبار 'پربھات خبر' کے سابق ایڈیٹر ہیں۔ وزیر اعظم نریندر مودی، راجیہ سبھا میں اپوزیشن لیڈر غلام نبی آزاد سمیت سبھی ارکان پارلیمنٹ نے ہری ونش کو مبارکباد دی۔

راجیہ سبھا کی کارروائی شروع ہوتے ہی چیئرمین ایم ونکیا نائیڈو نے ضروری کاغذات میز پر ركھوانے کے فوراً بعد ڈپٹی چیئرمین کے انتخابات کی کارروائی شروع کی۔ انہوں نے بتایا کہ ڈپٹی چیئرمین کے انتخابات کے لئے نو نوٹس ملے اور متعلقہ ارکان سے اپنے اپنے امیدواروں کے حق میں تجویز پیش کرنے کو کہا۔ ہری ونش کے حق میں چار اور ہری پرساد کے حق میں پانچ تجویز پیش کئے گئے۔

سب سے پہلے جنتا دل یو کے رام چندر پرساد سنگھ نے  ہری ونش کے حق میں تجویز پیش کی اور ریپبلکن پارٹی کے رکن اور مرکزی وزیر رام داس اٹھاؤلے نے اس کی حمایت کی۔ اس کے بعد بہوجن سماج پارٹی کے ستیش چندر مشرا نے ہری پرساد کے نام کی تجویز پیش کی اور کانگریس کے وویک تنكھا نے حمایت کی۔ راشٹریہ جنتا دل کی ميسا بھارتی نے ہری پرساد کے حق میں تجویز پیش کی جس کی تیلگو دیشم پارٹی کے وائی ایس چودھری نے حمایت کی۔ اس کے علاوہ کانگریس کے آنند شرما ، سماج وادی پارٹی کے رام گوپال یادو اور نیشنلسٹ کانگریس پارٹی کی وندنا راج چوہان نے بھی ہری پرساد کی حمایت میں تجویز پیش کی جن کی حمایت بالترتیب کانگریس کے بھونیشور كلتا، کانگریس کے احمد اشفاق کریم اور کانگریس کے ہی جی كپیندر ریڈی نے کی۔

 ہری ونش کے حق میں بھارتیہ جنتا پارٹی کے امت شاہ، شیوسینا کے سنجے راوت اور شرومنی اکالی دل کے سکھدیو سنگھ ڈھینڈسہ نے بھی قرارداد پیش کئے جس کی حمایت بالترتیب بی جے پی کے رام وچارنیتم، جنتا دل متحدہ کی کہکشاں پروین اور اور اے آئی اے ڈی اے یم کے کی وجیلا ستيانت نے کی۔

Loading...

اس کے بعد چیئرمین نے ووٹوں کی گنتی کرائی ۔ نائیڈو نے اعلان کیا کہ ووٹنگ میں تجاویز کے حق میں 125 ووٹ پڑے ہیں جبکہ مخالفت میں 105 ارکان نے ووٹ دیا ہے،پھر انهوں نے ہری ونش کو منتخب ہونے کا اعلان کیا۔ جس کا دونوں جانب کے ارکان نے میزیں تھپتھپا كر خیر مقدم کیا۔ اس کے بعد  ہری ونش کو ایوان کے لیڈر ارون جیٹلی، پارلیمانی امور کے وزیر اننت کمار اور وزیر مملکت وجے گوئل اور ایوان میں حزب اختلاف کے رہنما غلام نبی آزاد ڈپٹی چیئرمین کی نشست تک لے گئے۔ اس کے فورا بعد وزیر اعظم نریندر مودی نے ڈپٹی چیئرمین کی نشست پر جا کر ہری ونش سے ہاتھ ملایا اور انہیں منتخب ہونے پر مبارکباد دی۔

Loading...
Listen to the latest songs, only on JioSaavn.com