کولکاتا نائٹ رائیڈرس کے کپتان دنیش کارتک نے شکست کے بعد کہا- ہمیں ہر شعبے میں سدھار کرنا ہوگا

ابوظہبی: کولکاتا نائٹ رائیڈرس (کے کے آر) کے کپتان دنیش کارتک کا کہنا ہے کہ ممبئی انڈینس کے ہاتھوں آئی پی ایل 13 کے پہلے میچ میں شکست کے بعد ٹیم کو ہر شعبے میں بہتر کارکردگی کا مظاہرہ کرنا پڑے گا۔ ممبئی انڈینس نے 196 رنوں کا ہدف کولکاتا نائٹ رائیڈرس کو دیا تھا جس کے جواب میں کولکاتا کی ٹیم 20 اووروں میں 9 وکٹ گنوا کر 146 رن بنا سکی اور ممبئی انڈینس نے 49 رنز سے میچ جیت لیا۔

ممبئی انڈینس نے 196 رنوں کا ہدف کے کے آرکو دیا تھا، جس کے جواب میں کولکاتا کی ٹیم 20 اوور میں 9 وکٹ کے نقصان پر 146 رن بنا سکی اور ممبئی نے 49 رنوں سے میچ جیت لیا۔

دنیش کارتک نے کہا کہ مجھے لگتا ہے کہ ہمیں بلے بازی اور گیند بازی سمیت تمام شعبوں میں بہتر کارکردگی کی ضرورت ہے۔ سچ پوچھیں تو ہمارا دن نہیں تھا۔ میں اس کا زیادہ تجزیہ نہیں کروں گا، لیکن کھلاڑی سمجھ جائیں گے کہ انہیں کہاں بہتر کارکردگی کا مظاہرہ کرنا ہے۔ انہوں نے کہا کہ پیٹ کمنز اور ایان مورگن جیسے کھلاڑیوں کی کوارنٹائن کی مدت حال ہی میں ختم ہوئی ہے اور یہاں کی گرم آب و ہوا کے مطابق خود کو ڈھالنے میں وقت لگے گا۔ کھلاڑیوں نے کوششیں کیں۔ ٹاپ آرڈر میں ردوبدل کے بارے میں کوئی بات نہیں ہوئی ہے اور اگلے میچ سے پہلے ہی اس کا پتہ چل جائے گا۔