اس ہندوستانی گیند باز نے کوچ کو دی گالیاں، ٹیم سے کیا گیا باہر

انڈین ایکسپریس میں شائع رپورٹ کے مطابق، اشوک ڈنڈا کو ٹیم سے باہرکرنے پربنگال کرکٹ ایسوسی ایشن کے سکریٹری نےمیٹنگ بلائی، جہاں اشوک ڈنڈا اورگیند بازی کوچ رندیب بوس کوبلایا گیا۔ میٹنگ میں اشوک ڈنڈا کوبوس سے معافی مانگنےکوکہا گیا، لیکن انہوں نےاس سےواضح طورپرانکارکردیا۔ بنگال کرکٹ ایسوسی ایشن نےکہا کہ اگراشوک ڈنڈا معافی مانگ لیتے ہیں توانہیں ٹیم سے باہرنہیں کیا جاتا، کیونکہ آندھرا پردیش کے خلاف ہونے والےمیچ کےلئےاشوک ڈنڈا بنگال کی ٹیم کےلئےاہم کھلاڑی تھے۔

میڈیا رپورٹس کے مطابق، ٹیم کے پریکٹس سیشن سے پہلے رندیب بوس کولکاتا کے کپتان ابھمنیوایشورن سے بات چیت کررہے تھے۔ اس کے بعد اشوک ڈنڈا نے ڈریسنگ روم میں رندیب بوس سے چلا کربات کی۔ ڈنڈا کولگا کہ بوس ان کے بارے میں ایشورن سے کچھ کہہ رہے ہیں۔ حالانکہ بنگال کرکٹ ایسوسی ایشن نے دعویٰ کیا کہ بنگال کے کپتان ایشورن اور کوچ بوس ٹیم کی حکمت عملی پرتبادلہ خیال کررہےتھے۔ اس کے بعد اشوک ڈنڈا کوکوچ بوس سے معافی مانگنےکوکہا گیا، لیکن انہوں نےاس سے واضح طورپرانکارکردیا۔ واضح رہے کہ رندیب بوس اوراشوک ڈنڈا کےدرمیان پہلے بھی کئی بارنوک جھونک ہوئی ہے۔ بوس جب بنگال کی رنجی ٹیم میں کھیلتےتھےتواشوک ڈنڈا اوران کے درمیان اچھے رشتے نہیں تھے۔